පාඩම 06
මහා සීහළ වංශයේ ඇරඹුම
- Beginning of the great Sinhalese homeland
සියලුම සිංහලුන් සහ බෞද්ධයින්ගේ දැනගැනීම පිණිසයි...
මෙය නොදන්නා සිංහල කම හා බෞද්ධකම කුමකටද?
හෙළ මනුවංශයේ මේ යුගයේ මහා හෙළ විරුවාණන් වූ අති ශ්‍රේෂ්ඨ සීහළයේ නිර්මාතෲ නරසීහයාණන් වහන්සේගේ හෙළ කතාවයි මේ...
මහා සීහළ වංශයේ ඇරඹුම - 01 කොටස
සැබෑ සිංහල බෞද්ධයා යනු කවුරුන්ද? මේ මහා භද්‍ර කල්පයේ ඇරඹුම කොතනද? කවුද මේ සුර අසුර කියන්නේ? කවුද දේව,මනුස්ස,අමනුස්ස කියන්නේ? කවුද මේ රාම රාවණ කියන්නේ? සක්විති රාජ හා බුදු රජුන් කවුද? එදා ජම්බුද්දීපය පිහිටියේ කොහේද? මහරජවරු 4 දෙනා කවුද? සීහළයේ නිර්මාතෘ කවුද? බුද්ධ වංශයේ ඇරඹුම කොතනද? ආදී බොහෝ ප්‍රශ්ණ වලට මෙම කොටසින් පිළිතුරු සැපයෙනවා...
ශාක්‍ය හෙවත් සූර්ය වංශයෙන් පැවත අවුත් ගෝතම බුද්ධ වංශය පිහිටුවාලූ, අප සැමගේ නායකයාණන්වූ, ගුරුවරයාණන්වූ, රජුන්වූ, පියාණන්වූ, මුණිවරයාණන්වූ ගෝතම නරසීහ බුදුන්වහන්සේට නමස්කාර වේවා...
සිංහල වංශයේ මහා කතාවයි මේ දිග හැරෙන්නේ..
හෙළ මනුවංශයේ මේ යුගයේ මහා හෙළ විරුවාණන් වූ අති ශ්‍රේෂ්ඨ සීහළයේ නිර්මාතෲ නරසීහයාණන් වහන්සේගේ හෙළ කතාවයි මේ.. මේ කතාව මධ්‍යස්ථව සිතීමට නොහැකි සමහරුන්න්ට නම් ටිකක් තේරුම් ගන්න අමාරු වෙයි. යම් කෙනෙක් මේක වටහා ගත්තානම් ඔහු හෝ ඇය සැබෑම බුද්ධිමතෙක් මෙන්ම ආර්ය සිංහළයෙක්ද වනවාමයි.
යටත් විජිත යුගයේදී අපේ හෙළ ඉතිහාසය පටළවා ලියු සුදු ජාතිකයින්ට සොයා ගන්නට නොහැකිවූ හෙළ ඉතිහාසය සොයා ගත යුත්තේ අප විසින්මය. මෙහිදි අප කිසිසේත්ම නායක්කර්ලට හෝ බටහිරයන්ට හෝ මිත්‍යා භූතයන්ට හෝ දේශපලිතයින්ට හෝ මාධ්‍යයන්ට හෝ කිසිම පක්ෂාග්‍රාහිත්වයකින් තොරව තනිවම විමර්ශණානුකූලවයි සත්ය වටහා ගත යුත්තේ.. සම්මත විෂය මාළාව පිළිගන්නේ අවිචාරවත් මනසක් ඇත්තන් විසින්මය.. සිංහළ බෞද්ධයින් නම් සවාධීන නිරවුල් මනසක් ඇති අයම විය යුතුය..
මෙහි කිසිම අන්තවාදීත්වයක් හෝ අසීමිත ජාතිවාදයක් අන්තර්ගත නැහැ.. එසේම මෙහි කිසිම පුද්ගලික හෝ පටු දේශපාලනික අරමුණක් නැහැ.. කවුරුත් පක්ෂ භේද අත හැර එකා වගේ රටක් ජාතියක් හැටියට නැගී සිටිමු. අපත් හැදෙමු.. රටත් හදමු.. සසරින් එතෙර වන නිවැරදි මගත් සොයා ගෙන යමු..
ඒ වගේම මේ කතාව තේරුම් ගන්නට පාසලේ පොතපතේ උගත්කම එතරම්ම වැදගත් වෙන්නෙ නෑ. උගත් මානය නැති වුනත් ප්‍රඤ්ඤා වන්තයාට නම් පහසුවෙන් වටහා ගන්න පුලුවන්. එසේම ප්‍රඤ්ඤාව නැත්නම් කොතරම් පොතපතේ දැනුමෙන් උගත් වුනත් මෙතන වරද්ද ගන්නවාමයි.. කොහොමත් පන්තියේ ඔක්කොම අය විභාගෙ පාස් වෙන්නත් නැති බවද දත යුතුයි..
කොහොම හරි යම් කෙනෙක් මෙතන හරියට නිරවුල්ව අල්ලා ගතහොත් එයාට තිබුණ ගොඩාක් ප්‍රශ්ණ ජාලයක්ම එකාන්තයෙන්ම ලිහා ගන්න පොට පෑදෙනවා.. මිත්‍යා දෘෂ්ඨි ජාලයක්ම කැඩිල බිඳිල යනවා. ඇත්තටම මෙය සකස් කළේ දැනට ජීවමානව වැඩ නොසිටින ධ්‍යාන අභිඤ්ඤා ලාභී පැවිදි ආර්ය උත්තමයෙකුගේද අනුශාසනාවන් මූළික කොට ගෙන බවද දැක්විය යුත්තේය... වටහාගත හැකි බුද්ධිමත් අයට එබව මනාව පසක් වනු ඇත. සමහරුන්ට ආර්‍යොපවාද කරගැනිමට ඇති ඉඩකඩ වැඩි බැවින් උන්වහන්සේගේ නම මෙහිදී සඳහන් නොකරනු ලබන බව සඳහන් කළයුතුය..
කෙසේ හෝ ඔබ මෙම සත්‍යතාව ග්‍රහණය කරගන්නවාමයි කියා අධිෂ්ඨාන කරගෙන කළබළ නැතිව සෙමෙන් නැවත නැවතත් කියවා තේරුම් ගන්න උත්සාහ කරන්න... කිසි විටෙකත් මෙම වටිනා කතාව කිසිදා අහක නොයනු ඇත. මිත්‍යාදෘෂ්ටියෙන් යමෙක් වෙලා ඇති ප්‍රධාන පළමු ගැට කිහිපයයි මෙයින් ලිහෙනුයේ.. මිත්‍යාදෘෂ්ටිය නම් ඉතා බලවත් පාපයක්ම බව දැනගත යුතුයි..
ඒ වගේම අප මෙතෙක් පාසැල් පොත පතෙන් උගත් සියලු දේ හා බාහිර සමාජයෙන් සංස්කාර වශයෙන් උපාදාන කරගත් සියල්ලම මදකට පසෙකින් තබා මෙය කියවුව හොත් වඩාත් පහසුවෙන් මේ කියන දේ වටහා ගත හැකිවෙයි. සමහරෙකුට මෙය ඉතා රසවත් වෙන්නත් සමහරෙකුට නීරස වෙන්නත් පුලුවනි.. තමන්ගේ ප්‍රධාන සතුරා ඉන්නේ තමන් සිත තුලම මෙහි බවත් මතක තබාගෙන ඉදිරියට යන්න…
සැබෑ සිංහල බෞද්ධයා යනු කවුරුන්ද?
සිංහල යනු.. කිසිසේත්ම සිංහබාහුගේ සිංහ රුධිරය හෝ පණ්ඩුකාභය රජු සිංහයන් මැරීම නිසා ඇති වූ සිංහ ලේ වලින් හටගත් පරපුරක් නම් නොවේ. හුදෙක් එම වැරදි අදහස විජාතිකයින් විසින් අපට බලෙන් ඇලවූ ලේබලයක්ම පමණකි. එසේම එම වැරදි අදහස සමහරක් අප සිංහල අය විසින්ද අවිචාරීව දමාගත් තොප්පියක්ද වන්නේමය.
සිව්+හෙළ නිසා සිංහළ වූවා කියාද අද උගතුන් කියනු ලැබේ. එහෙත් එය සම්මතයට යම් පමණකින් උචිත වුවද පද+අර්ථ වශයෙන් අනුචිත වේ..
එසේනම් කුමක්ද මෙහි නියම පිරිසිදු මුල්ම පද ගත අර්ථය?
සීහ+හෙළ සීහළ විය. පසුව එයින් සීහෙළ, සිව්හෙළ, සිංහළේ, සිංහල, හිංගල ආදී සමාන පද රැසක් බිහි වූහ.
මෙහි නියම තත්වය වටහා ගන්න නම් අප ලෝක ඉතිහාසය හෙවත් ආරම්භය පිළිබඳව මූළික අවබෝධයක් ගත යුතුමය. නැත්නම් සියල්ල අවුල් කර ගන්නවාය..
අග්ගඤ්ඤ සූත්‍රයේ සඳහන් පරිදි ආභස්සර බඹ ලොවෙන් පැමිණි බ්‍රහ්මයෙක්, පෘතුවි පංචකාම රසයට තණ්හා උපාදානය වී ඇලී වාසය කළා. කල් යත්ම තවත් අය එලෙසින්ම එක්වුනා. මුලින් තනිව බ්‍රහ්මව සිටි මේ අය, දෙදෙනෙක් සමග එකතුවී දේව වුනා.. මේ දේව වූවන් පංචකාමයම උසස් කොට උතුම් කොට සැලකුවා.. ඔවුන්ගේ එක්වීමෙන් දරු පරපුරක් හටගත්තා..
කල් යත්ම මේ පිරිසෙන් සමහර අය තව තවත් රාගයෙන් තන්හා වී අධාර්මික වැඩ කරන්නට වුනා.. සමහරු විෂම ලෝබය,රාගය, ද්වේෂය නිසා අනුන්ගේ වස්තුව සොරකම් කරන්නටත්, අන්සතු දේ උදුරා ගන්නටත්, අන් අයට හිංසා කරන්නටත්, බොරු කියන්නටත්, රාගයෙන් මත්වී කටයුතු කරන්නටත් පුරුදු වුනා..
ඉතින් ධාර්මිකවූ ගුණයහපත් වූ අය එක් රැස්වී මේ අධාර්මික ක්‍රියා පාළනය කරන්නට අවශ්‍ය නිසා, වැරදි කරන්නන්ට දඬුවම් කළ යුතුයැයි කවුරුත් ඒකමතිකව සම්මත කොට ගෙන, ප්‍රජාව පාළනය කරන්නට පුද්ගලයෙකු පත් කළා. රාගය පාළනය කරන්නාවූ ඔහු රාජ වුනා. මහාසම්මතයෙන් පත් කොටගත් ඒ පළමු රජු මනු නම් වුනා.. ඉන්පසු ඒ දේව වූ අයට අමතරව පාළන තන්ත්‍රයේ කටයුතු කරන අයට ‘මනුස්ස’ කියා ව්‍යවහාර කළා.. මෙසේ මහා රාජ යටතේ අනෙකුත් ප්‍රාදේශීය රජවරුද පත් කරනු ලැබුවා. දැන් දේව හා මනුස්ස කියා දෙපිරිසකි.
මේ දේවවරු 'රා' කියන්නාවූ පංචකාමයම උතුම් කොට 'සු' කියා ගත් නිසා 'සුර' වුනා.. මේ පංචකාමය අසුවයි නින්දිතයි කියා ඒවා පාළනය කරන අය ‘අසුර’ වුනා.. මෙසේ සුර අසුර හෙවත් දේව මනුස්ස පිරිසක් බිහිවූ අතර, මේ දෙපිරිස අතර අදහස්මය වශයෙන් නොයෙක් අවශ්ථාවල යුධ ගැටුම් හට ගත්තා.. ඇත්තටම කියනවානම් මේ කියනුයේ රාගයට බර දේව හා ද්වේෂයට බර අසුර අයගේ රාග ද්වේෂ ගැටුමම නොවේදැයි ඔබම වටහා ගන්න.. මෙම සුර අසුර ගැටුම කාම භූමියේ සදාකල්ම පවතින්නක්මය.
මෙම ගැටුම සමතයට පත් කරන්නට කාළාණුරූපීව යුගයෙන් යුගයට සක්විති රජවරු හා බුදුවරු කාම ලොව පහළ වන්නාහ. යමෙක් මේ සියලූම රා‍ය්‍යයන්ට ප්‍රධානව මේ හෙළ දිවයිනේ ඇති මුළු මිනිස් ලොවම දසරාජ ධර්මයෙන් පාළනය කරන්නට සමත් වූවානම් ඔහුට ‘සක්විති මහා රාජ’ කියා එදා කියනු ලැබුවා..
එමෙන්ම කාම ලොව සිටින දෙව් මිනිස් දෙපිරිසටමත් අමතරව රූපි බඹ ලොවටත් ආධිපතිත්වය දරණු ලබන්නේ බුදුවරුම පමණයි. එහෙනම් දෙවියන් සහිත, මිනිසුන් සහිත, බඹුන් සහිත වූ, භෞතික ඝණ රූපීව සකස්වුණු ලෝක වලටත්, අභෞතිකව සියුම්වූ මනෝරූපීමය වශයෙන් සකස් වුනු ලෝක වලටත් කියන්නාවූ මේ සියලු ලෝක තලයන්ටම නායක වන්නේ ලොව්තුරා බුදුවරුන්ම පමණක්මයි.. ඒ අති උත්තම බුදුවරු ලෞකිකවූ දුකෙන් මිදෙන මගත් සියලු ලෝක 31ක් තලයෙන්ම එතෙරවන, ලෝකෝත්තර මගත් දේශනා කරන්නාහ.. මෙතෙක් ලොව පහළවූ සියලු බුදුවරුන්ගේ සත්‍යයේ ගුණානුභාව බලයෙන් ඔබට සද්ධර්මය අවබෝධ වේවා...
දැනට අවුරුදු 2850කට පමණ එහාට දිවෙන, රාවණ නමින්වූ සක්විති රාජ පරපුරක් මේ හෙළබිමේ සිටියා. ඒ උතුමන්ලා මනාව ලෝකයා පාළනය කරමින් පැමිණ, 7 වන රාවණ රජුන් දක්වාම දසරාජ ධර්මයෙන් මේ මුළු දිවයිනම ධාර්මිකව පාළනය කළා. ඔවුන්ට අහසින් යාමට ගුවන් යානාද(චක්‍ර රත්නය) තිබූ අතර ඉතාමත් සෞභාග්‍යයෙන් සශ්‍රීකව මුළු දිවයිනම දැහැමින් පාළනය කළා. එතුලින් ඉතා පිංවන්ත බුද්ධිමත් මිනිසුන් පිරිසක්ද බිහි වුනා..
දසරාජ ධර්මයෙන් දිවයිනම පාළනය කරන, මේ රාවණ සක්විති පරපුරේ 8 වෙනියට පහළවූ රාවණ රජුගේ ධාර්මිකත්වය අඩුවුනා. යම් යම් අධර්මවාදී වූ ක්‍රියාවන් නිසා ඔහුගේ චක්‍රවර්ති බලයද පිරිහුණා.
කල්යල් බලාසිටි සුරයින්, අයෝද්‍යාවේ සිටි රාම කියන සුර දේව රජුගේ මූලිකත්වයෙන්, සියලු සුර දේව වංශිකයින්ගේ සහාය හා යක්ක ගෝත්‍රිකයින්ගේ සහායද ඇතිව, යුධ කොට අසුර රාවණ බළය බිඳ දමා ජය ගත්තා...
කවුද මේ රාම රාවණ කියන්නේ කියා අප පොඩ්ඩක් නුවණින් විමසා බලමු.
රා කියන්නාවූ පංච කාම අමයි (උතුම්) කියල, අමෘතයයි කියල ගන්න අය රාම (රා+අම) වෙනව. මොවුන් රාගය අග්‍ර (රා+අග්‍ර = රාග) කරගෙනයි ඉන්නේ.
රා කියන්නාවූ පංච කාමවල ආදීනව දැකල වාරණය කරන අයට රාවණ (රා+වණ) කියනව. මෙලෙස රාම කියන පාර්ශවයකුත්, රාවණ කියන පාර්ශවයකුත් ඇති වුනා.. රාම කියන පාර්ශවය නියෝජනය කළේ සුර හෙවත් දේව කියන ජන කොටසයි. රාවණ කියන පාර්ශවය නියෝජනය කළේ අසුර හෙවත් මනුස්ස කියන ජන කොටසයි.
රාම කියන දෙවි කොටස රාගයට බරයි, දැඩි නීති රීති නෑ. සතුටින් විනෝදයෙන්ම ඉන්න බලනවා. රාවණ කොටස රාගයට ඇලීම අඩුයි, භූමි, රාජ‍ය පාළනයට දක්ෂයි. වැරදි කරන්නන්ට නිසි දඬුවම් දෙනව. නව නිර්මාණශීලීයි.
රා කියන්නාවූ රාත්‍රී අන්ධකාරය වනසන අර්ථයෙනුත් රාවණ කියනව. කාමය නැමති අවිද්‍යා අන්ධකාරය වනසා දමන වංශය සූර්ය වංශය කියල කියනව. ශාක්‍ය වංශය කියන්නෙත් සූර්ය වංශයටමයි. එනිසා මේ උතුම් රාවණ වංශයෙන් පැවත එන නිසා අප බුදු රදුන්ට සූර්‍යවංශාභිධාන කියල කියනවා..
මේ රාම රාවණ, සුර අසුර හෙවත් දේව මනුස්ස යුද්ධයෙන් පසු මෙතෙක් තිබූ මේ ඒකීය රාජ්‍යය දේව, යක්ඛ, රක්ඛ, නාග වශයෙන් කොටස් වලට වෙන්ව පාලනය වුනා. උසස් පහත් හෙළ කොටස් වශයෙන් බෙදී වෙන්වී මේහෙළ දිවයිනේ රාජ්‍ය පාළනය කරන්නට වුනා…
මේ මහා බද්‍ර කල්පයේ කකුසඳ, කෝණාගමණ, කාශ්‍යප, ගෝතම නමින් ලොව්තුරා බුදුවරු සිව් නමක් පහළ වූවාහ. මේ සියලුම බුදුවරු කිසියම් ධර්මතාවකට අනුව පහළවන නිශ්චිත මධ්‍ය භූමියක් වන්නේය.
පෙර කළ වරදීප, ඕජදීප, මණ්ඩදීප, ජම්බුදිප ආදී නම්වලින් හැඳින්වූයේ මේ මධ්‍ය දේශයමයි. කාළානුරූපීව විවිධ නම් වලින් හැඳින්වූ මේ මධ්‍ය දේශය පිහිටියේ, අපගේ මේ උත්තම දිවයින තුළමයි..
මෑත යුගයේ පහළ වූ අප කාගේත් නායකයාණන්වූ, ගුරුවරයාණන්වූ, රජුන්වූ, පියාණන්වූ, මුණිවරයාණන්වූ ගෝතම නරසීහ බුදුන්වහන්සේ පහළ වන විට තිබූ, ඒ මධ්‍ය දේශයට කීවේ ජම්බුද්දීපය කියායි..
මේ හෙළ දිවයිනේම පිහිටි ජම්බුද්වීපයට අමතරව, මේ හෙළ දිවයිනේම පුබ්බ විදේහ, අපරගෝයාන, උතුරුකුරු දිවයින යනුවෙන් තවත් මිනිස් ජන වර්ග වාසය කරන ප්‍රධාන භූමි කොටස් 4ක් පිහිටා තිබුණා..
මේ හෙළභූමි කොටස් 4හි සිටින ප්‍රධාන මිනිස් ජනවර්ග අනුව මිනිස් ලෝක 4ක් කියාද එදා ව්‍යවහාර කළා.. ජන ගෝත්‍ර වර්ග වලට අනුව ඒවා මනුස්ස ලෝකය, නාග ලෝකය, යක්ෂ ලෝකය, කුම්භණ්ඩ ලෝකය ආදී වශයෙන් වෙන් කොට කතා කළා..
මේ කියන ජම්බුද්දීපය පිහිටියේ, මේ හෙළ දිවයිනේම මධ්‍යවූ විශාල භූමි භාගයකයි. එයටම මනුස්ස ලෝකය කියාද එදා ව්‍යවහාර කළා.. මේ ජම්බුද්දීපය පිහිටි ඉහළ කොටසේ සම්මත දේව/සුර ලෝකය හෙවත් දේව හෙළය පිහිටා තිබුණා.
(මේ කියන ඒවා එදා පැවති පරිසරයට අනුව වටහාගනු මිසක, අද පවතින තාක්ෂණිකව දියුණු බාහිර පරිසරය බලමින් මහා ලොකුවට සිතා වටහා ගන්නට නොහැකි බව තේරුම් ගනිත්වා..)
දේව ජනයා සිටි දේව හෙළයේ ජනාකීර්ණවූ ස්ථාන පුරයන් වූ අතර මනුස්ස ජනයා සිටි ජම්බුද්දීපයේ පිහිටියේ ජනපදයන්ය. එමෙන්ම නාග හෙළයේ නගර වූ අතර, යක්ක හෙළයේද පුර යන නම නගරයන් සඳහා භාවිත කළා. මේ ආකාරයට එදා ජම්බුද්දීපයේ හෙවත් දඹදිව් තලයේ ප්‍රධාන ජනපද 16ක් පමණ පිහිටා තිබුණා. ඒවා පාළනය කිරීමට වෙන වෙනම ප්‍රාදේශීය රජවරුන්ද සිටියා. එයිනුත් ප්‍රධාන රාජ්‍යයන් 4ක් සහ ඒ මහා රාජික සතර පාළනයට ප්‍රධාන මහ රජවරුන් 4ක් සිටියා..
එසේම මේ ජම්බුද්දීපය හා දේව හෙළයට පරිබාහිරව තිබූ යක්ක, නාග, කුම්භණ්ඩ, ගන්ධබ්බ යන ජන කොටස් වල පාළනයටද රජවරුන් සතරක් සිටියා. එයිනුත් ප්‍රධාන මහරජු වෙසමුණි හෙවත් වෛශ්‍රවණ රජුවූ අතර, ඔහුගේ රාජධානිය වූයේ උතුරුකුරු දිවයිනේ වූ ආලක මන්දාව නම්වූ පුරයයි. අලංකාර පුරය නමින්ද හැඳින්වූ මෙයටම පසුව ලංකා පුරය කියාද කියන ලදහ. අද ලංකාව කියා අප මුළු දිවයිනටම කියන්නාක් මෙන්ම සමහරුන් එදා පොදුවේ මේ වෙසමුණි මහ රජුගේ මුළු රාජධානියටම ලංකා පුරය කියා කීවාහුය.
අප බුදුරදුන් තෙවරක්ම මෙම ලංකා රාජධානියට වැඩි බවත්, එවකට නැතත් මතු කළදි එහි ධර්මය හොඳින් ස්ථාපිත වන බව දෙසූ බවත්, දඹදිව කොටසින් පැමිණි විජය නම් රජෙකු එම ලංකා පුරය ආක්‍රමණය කළ බවත්, පසු කළෙක මහින්ද මහ රහතන් වහන්සේ එහි වැඩම කොට බුද්ධාගම පිහිටවූ බවත්, මහානාම හිමියන් එම ලංකා කොටසේ සිටි විජය රජුගේ ඉතිහාසයෙන් පමණක් පටන්ගෙන මහාවංශය ලියූ බවත් සියලු දෙනාම, තහවුරුවූ, ඓතිහාසගත තොරතුරු වලට අනුව, වටහාගත යුත්තේමය...
කුඩාකළ සිටම ඔලුවට වැටුනු වැරදි අවබෝධයන් පසෙකට දමා, යමෙකුට මේ ඉතිහාසගත සත්ය මනාව නුවණින් දැක ගැනිමට හැකිනම් ඔහු සෑබෑම බුද්ධිමතෙක්මය…
වැරදි දත්තයන්..
වානර පරිනාමයෙන් මිනිසා නිර්මාණය වී ක්‍රමයෙන් දඩයම් යුග, එඬේරයුග, කෘෂියුග වලින් ඇවිත් මොහොන්ජොදාරෝ, හරප්පා, ඉන්දුනිම්න සිෂ්ඨාචාර වලින් ඇරඹි එන ආර්යයන් ගැන අප කුඩාකළ උගත් වැරදි භයානක මිත්‍යා මතයන් සැබවින්ම අපගේ සිත මුළාකොට අපව විශාල ආධ්‍යාත්මික පරිහාණියකට ඇද දැමූ බව තරයේ මෙහිදී සිහිතබා ගත යුත්තකි.
කුඩා කළ අපගේ යටි සිතට ගෙදරින්, පාසලෙන්, සමාජයෙන් ඇතුලත්වී තැන්පත්ව ඇති මේ ආකාරයේ සියලු වැරදි දත්තයන් තිබෙන නිසා ඒවා පහසුවෙන් අකාමකා ගත නොහැකිව අප සියල්ලෝම පාහේ අසරණව ඇතිබව අකමැත්තෙන් වුවද මෙහිදී කිව යුතුමය...
වෙනත් ලෙසකින් කියනවානම්, බාහිර සමාජයෙන් අපගේ යටිසිත නම්වූ පරිගණකයේ, හාඩ් එකෙහි ඉන්ස්ටෝල් වී ඇති, මිත්‍යාමත නම් වූ වැරදි දත්ත සහිත මෘදුකාංග, ඉවත් කරගැනීමට හෙවත් අන් ඉන්ස්ටෝල් කර ගැනීමට, අපොහොසත්ව අප පීඩා විඳිමු..
මේවා උදුරා දැමිය නොහැකි කෙළෙස් තත්වයට හෙවත් වෛරස් බවට පත්වී, මේ වනවිට මනස හෙවත් මුලු පරිගණකයම උදාසීන තත්වයට පත්වී හමාරය..
එසේනම් ප්‍රඤ්ඤාව නැමති වෛරස් ගාඩ් එක දමා, සෙවිල්ලෙන් පිරිසිදු කර, නිසි තත්වයට පත්කර ගන්නවාද? නැතිනම් එලෙසම පවත්වාගෙන යනවාද? කියන එක ඔබටම බාර කරමු..
එහෙයින් එය, තමන් විසින්ම කරගත හැකි දෙයක් වන අතර, අන්තිමටම ලෙඩේ උත්සන්න වී ඇතිනම්, භාවනාවකින් හෝ ෆෝමැට් කර ගත යුතුමය...
එසේත් කරගත නොහැකිනම් ඉතින්, උමතුවෙන් පිස්සු නටමින්, සමාජයේ අන් අයටත් මහත් හිරිහැර පීඩා නොකර, දෙන දෙයක් කා වෙන දෙයක් බලාගෙන ඉන්න එක ඉතාමත් උතුම්මය...
මක්නිසාද යත් අප කරන කියන සියලුම දේවල්, විශ්වයේ ඇති නොපෙනෙන කැමරා පද්ධතියකින්, ඒවා සියල්ලම නිරතුරුවම නිරීක්ෂණය වී, කර්ම නැමති තොරතුරු ගබඩාවක තැන්පත් කර ගන්නා බැවිනි...
එනිසා සමහරුන් දහම නැමති සර්පයා වැරදියට අල්ලාගෙන, ආත්ම හා අනාත්මවාදී විවිධ මිත්‍යා අදහස් ගෙන මානයෙන් සිටියාට, මරණින් මතු ඒ සියල්ල විභාග කිරීමකට ලක්වන බව සිහිකොට ගත යුතුමය.. මිත්‍යා දෘෂ්ඨිය නම් ඉතා බරපතලම පාපයකි...
දැන් අප සීහළ වංශයේ නිර්මාතෘ වරයාණන් සොයාගෙන යමු.
මේ හෙළ දිවයිනේ අසුර හෙවත් මනුස්ස රාජ පරපුරට අමතරව, සුර හෙවත් දේව වංශයක්ද, යක්ක, නාග, කුම්භණ්ඩ ආදී තවත් ජන කොටස්ද වෙන වෙනම රාජ්‍ය පාලනයන් ගෙන ගිය බව දැන් ඔබ හොඳින් දන්නවා..
මහාසම්මත මනු පරපුරෙන් ඇරඹී රාවණ පරපුරෙන් පැවත එන ශාක්‍ය හෙවත් සූර්ය වංශික සුද්ධෝදන නම්වූ ප්‍රාදේශීය රජෙකු වසර 2550 කට පමණ පෙර මේ ජම්බුද්වීපයේ විය. මේ ශාක්‍යවංශික සුද්ධෝදන රජුගේ පාලන ප්‍රදේශය කපිලවස්තු හෙවත් කිඹුල්වත් නුවරයි.
කාළයක් පටන් මේ අසුර ශාක්‍ය වංශිකයන් හා සුර පාර්ශවයේ කෝලීය වංශිකයන් අතර නිතර යුධ ගැටුම් ඇතිවූහ. දෙපැත්තටම සමාන බළයක් විය.
මේ වන විට දේව හා මනුස්ස අය අතරේ, සක්විති රජෙකු හෝ බුදුවරයෙකු නැවතත් පහළ වන්නට කාළය පැමිණ ඇති බවට විශ්වාසයක් ඇති වුනා.
මෙහිදී කපිලවස්තුවේ සිටි සුද්ධෝදන රජතුමා තම ශාක්‍ය වංශික මානය බිඳදමා අපූරු සූක්ෂම තීරණයක් ගත්තේය. එනම් එතුමා කෝලීය වංශයේ ප්‍රබලම රජුගේ දියණියවූ මායාරටේ දේවිය වූ මායා දේවිය සරණපාවා ගත්තේය. ඊට හේතුව නම් ඒ දෙපළට ලැබෙන දරුවාට සක්විති රජකම ලබාදීමට කිසිඳු බාධාවක් නොවන බව දන්නා නිසාය.
එහිදී කාලයද, දීපයද, දේශයද, කුළයද, මවද මනාව හොඳින් ගැලපී තිබුණි. වසර 2550 කට පමණ පෙර මේ අපගේ දිවයිනෙහි පිහිටි ජම්බුද්වීපයේ බිහිවූ ශ්‍රේෂ්ඨතම සීහළ පුත්‍රයා සීදන්ත, සිද්ධත්ථ, සිද්ධාර්ථ, සිදුහත් නම් වූවාහ. ඒ උපන් පිංවත් කුමරා බිහිවූයේ බෙදීගිය සුර අසුර හෙළ පාර්ශවයන්ද එකතු කරමිනි.
සුද්ධෝදන රජු ඇතුලු ශාක්‍ය ඤාතීන්ට අවශ්‍ය වූයේ මේ පින්වත් කුමරාව සක්විති රජෙකු කරන්නට වුවත්, ඒ සිද්ධත්ථ කුමරා පසු කලෙක සක්විති කම පසෙක දමා සියලු මාර පාක්ෂික බළවේග පරදවා, අසහාය අසමසම බුද්ධත්වය සාක්ෂාත් කොට මේ උතුම් හෙළදිව තුළදී දෙවියන්, මිනිසුන්, බඹුන් සහිත වූ මුළු ලෝකයටම නායකයාණන්, ගුරුවරයාණන්, රජුන්, පියාණන්, මුණිවරයාණන් බවට පත්වූහ.
මෙතෙක් පැවති සියලු කුළ ගොත් වංශයන් පසෙක දැමූ සිද්ධාර්ථ බුදුන් වහන්සේ මවගේ නාමය වන ගෝතම යන නාමය යොදා ගනිමින් බුද්ධ වංශය පිහිටුවාලූහ. එලෙසින්ම තම අගසව් දෙපළද එසේම කළහ. උපතිස්ස ගාමයේ විසූ පළමුවැන්නාට මවගේ නාමයවූ රූපසාරී නාමයෙන් සාරිපුත්ත යැයි නම් තැබීය. කෝලීය ග්‍රාමයේ විසු දෙවැන්නාට මොග්ගලී බැමිණියගේ පුත් බැවින් මොග්ගලී පුත්ත යැයි නම් තැබීය.
මේ ගෝතම බුද්ධ වංශයේ ඇරඹුමයි…
දේව, මනුස්ස, අමනුස්ස සියලු ජන කොටස් එක් කරමින් මුළු දිවයිනටම රජුන්වූ ඒ අසහාය නායකයාණන් වහන්සේ අප බුදු රජාණන්වහන්සේමය. උන්වහන්සේ දෙවි මිනිස් සියල්ලන්ටම පුරා වසර 45ක් සදහම් දෙසමින් මෙළොව පරළොව දෙළොවටම අවශ්‍ය යහ මග පෙන්වා දුන්හ...
සීහළ ආර්යයෝ..
බුද්ධත්වයට පත් වන්නට පෙර මේ සීදන්ත කුමරාගේ පියා මහාසම්මත මනු.. රාවණ, සූර්ය රාජ පරපුරෙන් පැවත එන අසුර, මනුස්ස වු ශාක්‍ය සීහ සුද්ධෝදන නම් වූ අතර සිද්දත්ත කුමරාගේ සීයා සීහහනු නම් වූහ.. එම පරපුර රාජ්‍ය මෙන්ම වෙළඳ කටයුතු වලදී සිංහ රූප ලාන්ඡන යොදාගෙන ඇත.
සීහ හා සීහළ යනු ගොතම බුදුරදුන්ට නමකි.. උන්වහන්සේ සීහළ නාද පවත්වන, සීහ සෙය්‍යාවෙන් සැතපෙන, අති උත්තම 'නර සීහ' නම් වූහ. (..ඒස හි තුය්හ පිතා නරසීහො...නරසීහ ගාථා බලන්න)
හෙළ - යනු ශුද්ධ භාවය, ස්වේත බාවය හෙවත් සුපිරිසුදු භාවයයි. හෙල, හෙළු, එළ, එළු ආදී සමාන අදහස් පද පසුව බිඳී ආ ඒවාය.. යමක් ඉතා හොඳයි ශ්‍රේෂ්ඨයි කීමට අදටත් අප හෙළ, එළ, එළකිරි වැනි වචන භාවිතා කරනවා නොවේද?
ශුද්ධ භාවයේ ශ්‍රේෂ්ඨත්වයට පත්වූ බුදුරදුන් යන අර්ථයෙන් (සීහ+හෙළ) සීහළ කියා කියනවා..
ඒ බුදු මග ගොස් ශුද්ධත්වයේ ශ්‍රේෂ්ඨත්වයට පත්වූ අනෙක් ශ්‍රේෂ්ඨ පිරිස ආර්යයන් වහන්සේලා වුනා.. ආර්‍යන් වහන්සේලා නම් අරහතුන් වහන්සේලාමයි. ඒ සුපිරිසුදු ශ්‍රේෂ්ඨ සීහළ උතුමාණන්ගේ හා ආර්ය උතුමාණන් වහන්සේලා අනුගාමී ශ්‍රාවකයන්වූ භික්ෂු, භික්ෂුණී, උපාසක, උපාසිකා යන සිව්වණක් පිරිසට ආර්ය ශ්‍රාවකයින් කියා කියනවා..
ඔන්න ඔතනයි ආර්යයන්ගෙ මුළාරම්භය වනුයේ. ඉන් එහා කොහෙවත් ආර්යයන් හිටියේ නැති බවත් අනාර්යන් පමණක්ම සිටි බවත් අප දැන ගන්නට ඕනි.. ආර්යයන් පහළ වෙන්නේ බුදුවරයෙකුගෙන්ම පමණයි. එහෙනම් හෙළ ආර්යයන්ගේ මුළ අප බුදුරජානන් වහන්සේමය.
ඒ පිරිසුදු ශ්‍රේෂ්ඨ සීහළ උතුමාණන්ගේ අනුගාමී ආර්ය ශ්‍රාවකයන්වූ භික්ෂු, භික්ෂුණී, උපාසක, උපාසිකා යන සිව්වණක් පිරිසේ උපාසක, උපාසිකාවන්ගෙන්, බිහිවුණු පරපුර සම්මත ආර්යයන් වුණා.. සම්මත ආර්යයන්ගේ ආරම්භයද එතැනයි. ඒ උසස් ආර්ය ජාතියට ආර්ය සීහළ හෙවත් ආරිය සිංහළ ජාතිය කියාද කියනවා..
එසේනම් හෙළදිව සිටි අනෙක් අය අනාර්‍යයෝම වූවාහ.. ආර්ය ශ්‍රද්ධා භක්තියක් එම අනාර්‍යයන්ට නැහැ..
ආර්ය වාසස්ථාන වැඩි වශයෙන් වූයේ ඉහළ(ඉහ+හෙළ) ප්‍රදේශයන්හිය. අනාර්යන් පහළ(පහ+හෙළ) ප්‍රදේශයන්හි වූහ. (එදා වැඩි වශයෙන්ම පන්සල්, ආවාස වැනි දේද සකස් කළේ ඉහළ භූමි පිහිටීමකය)
(මේවා සකස් වුනු අකාරය ආර්ය උතුමෙකුගෙන්ම අසා දැන ගන්නවා මිසක් පොත්වලින් ඉගෙන ගන්නට නොහැකියි..)
සිංහළ භාෂාවේ හා සීහළේ මූළාරම්භය..
බුදුරදුන් සදහම් දෙසූ භාෂාව කුමක්දැ කියා එමග යන සියලු බෞද්ධයන් දැන ගැනීම ඉතාමත් වටිනා නිසා දැන් අපි මොහොතකට භාෂාවන් සකස්වුණු ආකාරය කෙටියෙන් විමසා බලමු.
මාර්ගයේ ආදී භාෂාව වන මාගදී කියන්නේ, පංචකාමයන්ගෙන් ශුද්ධ වුනු හා ඇලීම් ගැටීම් වලින් අයින් වුණු නමුත් මෝහය ඉවත් කර නොගත් මානසික තත්වයක් ඇති බ්‍රහ්මයින්ගේ භාෂාවටයි..
පංචකාමයන් කියන පහක් හෙළි කරගත් නිසා එයට පාළි කියල කියනවා. (පහ+හෙළි -පාළි). පාළි භාෂාව හැදුනේ එලෙසයි. පසුව මෙම පාළි භාෂාවටම පෙළ භාෂාව කියාද කීවා.
බුදු, අරහත් ආර්ය උතුමන් හය වෙනි මෝහයත් සියලු ආකාරයෙන්ම ශ්‍රේෂ්ඨත්වයට පත්වී ඉවත් කර ගත් නිසා සීහ හෙළි වෙලා සීහළ වුනා.. (සය+හෙළි- සීහළ)
ඒ ශුද්ධවූ ශ්‍රේෂ්ඨත්වයට පත්වූ ආර්‍යය උතුමන් වහන්සේලා අතර ව්‍යවහාර කළ භාෂාවක් තිබුණා. මෙතෙක් කාලයක් රාග,ද්වේෂ, මෝහ සහිත පුද්ගලයො කතා කළ භාෂාවට ගෝචර නොවුනු ශුද්ධ හැඟීමක් උන්වහන්සේලාට පහළ වුනා.. ඒ ආර්ය ශුද්ධ හැඟීම අනෙක් අනාර්ය කාටවත් ඇතිවූයේ නැහැ. ඉතින් එම උතුමන්ගේ භාෂාව හෙළ මාගදී භාෂාවයි කියා තේරුම් ගත යුතුයි..
එම උතුමන්ගේ භාෂාව කෙළෙස් සහිත සාමන්‍ය අයට තේරුම් ගන්නට අමාරු වුනා. එනිසා පසුව බුදු සසුනේ අනුගාමී ශ්‍රාවකයන්ගේ අවශ්‍යතාව තකා හෙළ මාගදී පද සම්මිශ්‍රිතවූ ශුද්ධවූ සීහළ භාෂාවක් නිර්මාණය වුණා. ඒකට කියනවා (සීහ+හෙළ) සීහළ භාෂාව කියලා.. පසුව මෙය සිංහළ භාෂාව වුනා. එනම් එය ශුද්ධ සිංහළ භාෂාවයි.. මේ ශ්‍රේෂ්ඨවූ ශුද්ධ සිංහළ භාෂාවේ නිර්මාතෘ වූයේද අප සිද්ධාර්ථ බුදුරජාණන් වහන්සේමය..
බුදුන්වහන්සේ ජනයාට සද්ධර්මය දේශනා කලේ මේ හෙළ මාගදී භාෂාවෙන්ම වූ අතර එය සියලු දෙනාටම වටහා ගැනීමට විෂේශ හැකියාවක් එදා පැවතුණි. එමෙන්ම ජනපද නිරුත්තිය පැහැර හැරිය නොයුතු බවත්, කිසිවිටෙකත් මේ ධර්මය ඡන්දසට හෙවත් වෛදික භාෂාවට නොහැරවිය යුතු බවත් උන් වහන්සේ දේශනා කොට විනය පද පැමිණුවා.. ඇත්තටම මේ සද්ධර්මය මනාව තේරුම් ගැනීමට නම් අද අප ත්‍රිපිඨකයට අර්ථ නිරුත්ති ධර්ම වටහාගත යුත්තේ සීන්හල හා පාළි භාෂාවෙන්ම පමණයි. වෛදික සංස්කෘත භාෂාවෙන් අර්ථ දක්වන්නට ගියහොත් පිරිසිදු දහම අවුල් සහගත වනවාමය..
මේ උතුම් සීහළ වංශයටම එළු, එළ වංශය කියාද පසුව සමහර තැනෙක ව්‍යවහාර විය. (දහමට සරිකොට එළුවෙන් පෙර කී..) පසුකාලීන කළා නිර්මාණ වලදී මෙම වංශිකයින් හඳුනා ගැනීමේ පහසුව තකා චිත්‍රයට නැගුවේ එල්ලෙන එළු කන් සහිතවයි. එයට ලම්ඹකර්ණ වංශය කියාද කියනවා.. එනිසාම බුදුරදුන්ගේ ප්‍රතිමා රූපද එල්ලෙන කන් දෙකක් සහිතව සමහරුන් නිර්මාණය කළා.
ඒ අපගේ සීහළ දීපයේ, සීහළ වංශයේ නිර්මාතෘවරයාණන්වූ නරයන්ට ශ්‍රේෂ්ඨවූ නරසීහයාණන් වහන්සේට නමස්කාරය වේවා…
මහා සීහළ වංශයේ ඇරඹුම - 02 කොටස
සීහ හා සීහළ යනු කවුරුන්ද? සැබෑ ආර්යයන් කවුද? ආර්යයන්ගේ ආරම්භය කොතනද? සිංහළ භාෂාවේ හා සීහළේ මූළාරම්භය කුමක්ද? බුද්ධ පරිණිර්වාණයෙන් පසු කුමක් වීද? විජාතිකයින්ගේ ආක්‍රමණ කෙසේ පැමිණියාද? සුදුජාතිකයින් ලියූ ඉතිහාසය කුමක්ද? දඹදිව සොයා ඉන්දියාවට ගියේ කවුද? බුදු ඉතිහාසය නොසෙවිය යුතු දෙයක්ද? මේ සත්ය හෙළි කිරීමට ප්‍රධාන වශයෙන් විරුද්ධ වන අය කවුද? කුමක්ද මේ මුළාව? ආදී බොහෝ ප්‍රශ්ණ වලට මෙම කොටසින් පිළිතුරු සැපයෙනවා...
බුද්ධ පරිණිර්වාණයෙන් පසු..
බුදුන් වහන්සේ වදාළ සුපිරිසුදු ධර්මය මුඛ පරම්පරාවෙන් රැගෙන ආවේ එම සීහළ හෙවත් හෙළ භාෂාවෙනි. බුද්ධ පරිණිර්වාණයෙන් අවුරුදු 450කට පමණ පසු මුඛ පරම්පරාවෙන් රැගෙන ආ එම ශ්‍රී සද්ධර්මය අරහතුන් වහන්සේලා විසින් මාතුල අලුලෙන විහාරයේදී තුන් පිටකයකට ග්‍රන්ථාරූඪ කරන ලදී.. ඒ වන විටත් ව්‍යවහාර සිංහළ භාෂාවට අක්ෂර රටාවක් නොතිබූ බැවින් එහිදී තල්පත්වල ලීවේ බ්‍රාහ්මී අක්ෂර වලින්ය.
ඉන් පසු බුද්ධ පරිණිර්වාණයෙන් අවුරුදු 915කට පමණ පසු, කළිඟු රටෙන් නාලන්දාවේ අධ්‍යාපනය ලබා මෙහි පැමිණි බුද්ධඝෝෂ හිමියන්, අනුරපුරයේ සිටි මහා විහාරික භික්ෂූන් වහන්සේලා මුළා කොට, පිරිසුදු හෙළ අටුවා පාළියට පරිවර්ථනය කර ලීයා තැබුවා.. එතැනින් තමයි සිහළ භාෂාවට වට අකුරු සාශ්ත්‍රය එක් වුනේ.
ඉන් සුලු කලකට පසු ඇතිවූ මහාවිහාර අභයගිරි ගැටුමේදී අභයගිරිකයන් විසින් දේශපාළන සහායද ඇතිව දිවයිනේ තිබූ සියලුම ත්‍රිපිඨක හා ඉතිහාසගත පොත්පත් ගෙන්වා මහාසෑය අභියස ඇතුන් හත් දෙනෙකුගේ උසට ගොඩ ගසා ගිනිතබා විනාශ කර දමන ලදී..
මේ දේශපාළණික කුමන්ත්‍රණයෙන් අනතුරුව බෞද්ධ අපට ඉතිරි වූයේ බුද්ධඝෝෂ හිමියන් විසින් ලියන ලද පෙළ පොත්පත් ටික හා පතංජලී, වෛදික භාෂා පොත්පත් පමණයි. අහෝ..ඉතින් ඉන්පසු සියල්ල අවුල් නොවේවිද? හෙළ බෞද්ධයාටත්, හෙළ රටටත් කුමක් සිදු වූවාද? අප සීහළයේ නිර්මාතෘවරයාණන් වහන්සේ පිරිනිවී වසර 1000ක් වන්නටත් මත්තෙන්ම මේ හෙළ සිහළ වංශයේ පරිහාණියේ කණ කොක් හඬමයි දසතින් පැතිරුණේ...
ආධ්‍යාත්මික බාහිර සියලු ආකරයෙන්ම පරිපූර්ණවූ ස්වයංපෝෂිතවූ ලොව ඉහලින්ම සිටි මේ උතුම් සිහළ රට ඉන් පසුව ක්‍රමයෙන් අගාධයටම පිය නගමින් ගියා.. නොයෙකුත් ලෙසින් ආගමත්, රටත්, ජන සමාජයත් පිරිහෙන්නට වුණා.. ජන සමාජයත් මෙතෙක් පැවති පිරිසිදු දහම සඟව අතුරුදන් වී ගියා.. සද්ධර්මය තුලට විවිධ ආචාරී වාද මත, අත්තනෝ මත එක් වුනා.. දහමටත්, ආගමටත් නොයෙකුත් දේවවාදී සංකල්ප එක්වී අවිචාරී ඇදහිලි ක්‍රම වලට යොමුවුනා.. මිනිසුන් ආධ්‍යාත්මිකවත් පිරිහී ගියා.. නොයෙකුත් විදේස් ආක්‍රමණයන් පැමිණියා..
මේ ආකාරයෙන් කල් යත්ම ඕලන්ද, පෘතුගීසි, ලන්දේසි, ඉන්ග්‍රීසි ආදී විජාතිකයින්ගේ ආක්‍රමණ අප රටට පිට පිටම පැමිණියා.. යුධ කරනවා විනා ආගමක් දහමක් ගැන හිතන්නවත් කලක් නැතිවුනා.. අපේ සිටි ශ්‍රේෂ්ඨ හෙළ හිංගල විරුවන් සියල්ලක්ම පාහේ තුවක්කු වලට බිළි ගත්තා.. පන්සල්වල භික්ෂූන්ද නැතිවුනා.. අන්තිමට දැනට අවුරුදු 200කට ඉහතදී අප රටේම සිටි පරගැති අදහස් දරණ ජන කොටස්වලද සහාය ඇතුව බලවත් වී සිටි එම විජාතිකයින්ට මේ උතුම් හෙළ රට ලියලම දෙන්නට සිදු වුනා.. අහෝ හෙළ දෙවිවරුනි බුදුන් සිටි රටකට ගිය කළ…
ක්‍රි ව 1815 වනවිට මහා හෙළ වෘක්ෂයේ මහා අතු කඳන් සියල්ලකම පාහේ සිඳී බිඳී විනාශවී ගොස් හමාරය. දලු ලා වැඩෙන කොළ අතු පවා කඩා බිඳ දැමීමට සතුරන් බලවත්වී ඇත. ඒ වන විට ධර්මය, ඉතිහසය දත උගත් අයද ඉතා විරලය. කෙසේ හෝ ඒ සුදු ජාතිකයන්ට අවශ්‍ය ආකාරයට සියල්ල පාහේ සිදුවිය. ඔවුන් ඉන්දියාවද ඒ වනවිට අල්ලා යටත් කොට ගෙනය.
ඉන්දියාවේ සිටි අශෝක නම් ඇති බලවත් රජෙකු විසින් රාජ්‍ය පාළනය උදෙසා කෘතිම ලෙස නිර්මාණය කර තිබූ ධර්ම රාජ්‍යටද දඹදිව කියා නම් කළාය. ඔවුන් අපේ හෙළ ඉතිහාසයද ඔවුන්ට අවශ්‍ය අකාරයටම ලියුවේය. අපේ ඉතිරිවී තිබුනු වටිනා පොත් පත් වස්තු ආදී සියල්ලක්ම පාහේ ඔවුන්ගේ රටවලට ගෙනිච්චාය.. ඔවුන්ගේ සංකර ගති සිරිත් මෙන්ම ඔවුන්ගේ ආගම දහමත් මෙහි පැතිරවීය. ඔවුන්ගේ ගති සිරිත් ඇති පරපුරක්ද මෙහි බිහි කළේය..
කෙසේ හෝ නැවතත් ටිකෙන් ටික ලක්දිව බුදුදහම/ආගම අදහන පිරිස ටිකෙන් ටික ඒකරාශී වන්නට වූහ. කාළයක් අතහැරී තිබුනු බුදු දහමත් බෞද්ධාගමත් සොයන්නට පෙළඹුනි. එහිදී මහත් පරිශ්‍රමයක් සිදුකළ අනගාරික ධර්මපාල තුමා සුදුජාතිකයින් ලියූ ඉතිහාසය බලා මුළාවී දඹදිව සොයා ඉන්දියාවට ගියේය. අවුරුදු සිය ගනනක් කාළයේ වැලිතලාවෙන් වැසී ගොස් හෙල රටේම තිබුණු දඹදිව ගැන ඔහු නොදත්තේය.
කෙසේ හෝ ඉන්දියාවට ගිය එතුමාට හමුවුනේද වැලලී ගොස් තිබූ බුද්ධාගමට සමාන යැයි සිතිය හැකි පැරණි සුන්බුන් කීපයක් පමණයි..
ඇත්තටම ඒවා ජෛන පිළිම හා නිඝණ්ඨාරාම කීපයක්ම විය. එහි කිසිඳු බෞද්ධයෙකුදු නොසිටි අතර හින්දු ආගමිකයන් විසින් අයිති කරගෙන තිබූ ඒවාම විය. අන්තිමට ඒවා හෙලි පෙහෙලි කොට 'බුද්ධගයාව බේරා ගනිව්' යන තේමාව යටතේ එතුමා නඩු කියා දිනා බෞද්ධ උරුමයන් ලෙස ඒවා නම් කළේය. ඒ දැනට අවුරුදු 100කට පමණ පෙරය.
එතෙක් එම සිද්ධස්ථාන වන්දනා කිරීමට ඉන්දියානු හෝ අන් කිසිම රටකින් බෞද්ධයෙකු නම් පැමිණ නැත. කොහොම වුනත් ධර්මපාල තුමා ලාංකිකයෙකු හැටියට නම් අන් රටකට ගොස් කළේ මහත් වික්‍රමයෙකි. එතුමාට වැරදුනේ සුදු ජාතිකයින් විසින් දඹදිව ඉන්දියාවට ආදේශකොට වැරදියට ලියා තිබූ ඉතිහාස උගුලට හසුවීම පමණයි. ලක්දිව විජාතිකයින්ට විරුද්ධව විශාල සටනක් ගෙන ගිය එතුමා හිතා හිතා මතා නම් කිසිදා මෙවැනි දෙයක් නොකරනු ඇත.
වැදගත් කරුන නම් මුළාවක වැටුණු බව තේරුම් ගත් ධර්මපාල තුමා විසින් තම ජීවිත අවසන් කාළයේදි, ඔහු දැන් වයෝවෘද්ධ බවත් සැබෑ හෙළ ඉතිහාසය බෞද්ධයන් සොයාගත යුතු බවත් ලාංකික අපට දන්වා තිබීමයි.
කෙසේ හෝ ඉන්පසු අප ලක්දිව අලුතෙන් බිහිවූ බෞද්ධ පරපුරද දඹදිව යනවා කියා ඉන්දියාවට යන්නට ටිකෙන් ටික පුරුදු විය. ඉන් පෙර කිසිම හෙළ වැසියෙක් දඹදිව කියා කවදාවත්ම ඉන්දියාවට නම් ගොස් නැත්තේමය. කොහොම හරි අදවන විට මේ ඉන්දියා දඹදිව වන්ඳනා ක්‍රමය එරට හා මෙරට ව්යාපාරිකයින්ට නම් හොඳ ආර්ථික තෝතැන්නක් වී තිබීමයි සිදුව ඇත්තේ.
ඒත් මේ අපගේ හෙළවැසි අහිංසක බෞද්ධ ජනතාවගේ මිළ මුදල් නේද නිකරුණේ හරයක් නැති දෙයකට මුළාවී මේ විනාස කරන්නේ කියා සිතෙන විට අප සිතට නැගෙන්නේ බලවත් සංවේගයකි. මන්ද යත් සද්ධාවන්ත කුළ පුත්‍රයෙකුට සදහම් මග යන්නට බෙහෙවින් උපකාරවන ශක්තියක් ලබා ගැනීමට නම් බුද්ධ ශක්තිය හා විශ්ව ශක්තිය ගැබ්වූ නියම තැන වෙතමයි බෞද්ධයෙකු යා යුතු වනුයේ..
කෙසේ හෝ දැනට අවුරුදු 15කින් පමණ මෙහා කාළයකදී නියම දඹදිව පැවතුනේ අප මේ හෙළදිව තුළම බවත්, මේ මහා බද්‍ර කල්පයේ සියලුම සක්විති රජවරුන් හා සියලුම බුදුවරුන් පහළ වූයේ මේ හෙළදිව තුළම බව හඳුනා ගන්නට ලැබීමත්, පිරිසිදු බුදු දහම නිවැරදිව හඳුනා ගන්නට ලැබීමත් අප සැමගේම ඉමහත්වූ පුණ්‍ය භාග්‍යකි.
එමෙන්ම කාලයක් තිස්සේ බොහෝ ගිහි පැවදි උතුමන් පිරිසක් විසින් බොහෝ කැප කිරීම් කොට සොයාගත් දේ නිසයි අප සැමට මෙම සත්ය දකින්නට උපකාරී වී ඇත්තේ. ඒ සියලූම උතුමන්ලාටත් අප මෙහෙදී ඉතාමත් ගෞරව පූර්වක කෘතඤතාවය පුදකල යුතුයි.. ඒසියලුම ගිහි පැවදි බෝසත් උතුමාණන්ලාට අපගේ නමස්කාරය වේවා...
දැන් ටිකෙන් ටික හෝ මෙම සත්‍යතාව ජනතාවට අවබෝධ වෙමින් යනවා.. තව ටික කළකින් ස්ථිර වශයෙන්ම බුදුරදුන් වැඩසිටි ජම්බුද්වීපය නම් මේ හෙළ දීපයම බව මුළු ලෝකයාටම සක් සුදක්සේ පැහැදිළි වන කාළයක් පැමිණේවි... ඉන්පසු නැවතත් මේ හෙළ දෙරණෙහි අප සියල්ලන්ටම ජය සක් සීහළ නාද පැවැත්විය හැකි වනු ඇත..
එහෙත් එය ඉබේ සිදුවනකම් අප කොහෙත්ම බලා නොසිටිය යුතුය.. ඒ සඳහා කුමන හෝ ක්‍රියා දාමයක් මෙහෙයක් කැපවීමක් කළ යුතුමය.. එය සියලු හෙළවැසියන්ගේ යුතුකමක්ය. බෞද්ධයන්ගේ යුතුකමක්ය..
බෞද්ධ වූ අයද බොහෝ දෙනෙක් ධර්මය වැරදියට අල්ලාගෙන බුදු ඉතිහාසය නොසෙවිය යුතු දෙයක් යන මිත්‍යා මතය ග්‍රහණය කරගෙන, ඔවුන් දැන හෝ නොදැන අන් අයවද නොමග යවමින් සිටිනවා පෙනෙන්නට ඇත.. ඇත්තටම මේ සත්ය කතාව නොදන්නෙකුට නොවටහාගන්නෙකුට සද්ධර්මය හොඳින් පිහිටනු ඇතැයි විශ්වාස කළ නොහැකියි.
බුදුරදුන් සද්ධර්මය දේශණා කොට වදාල හෙළ මාගදී භාෂාව වැරදියට ග්‍රහණය කර ගතහොත් කෙසේ නම් අර්ථ ධර්ම නිරුත්ති වටහා ගත හැකිදැයි ඔවුන් විමසිය යුතුමය. උන්වහන්සේ ඉන්දීය භාෂාවකින් ධර්මය දෙසුවායැයි වැරදියට සිතුවොත් සියලු දහම් කරුණු අවුල් වෙනවාය. අනෙක නම් උන්වහන්සේ ත්‍රිපිටකයේ සඳහන් සෑම උපමාවක්, කතාවක්ම ගෙන තිබෙන්නේ මේ හෙළ දිවයිනේ පරිසරයෙන්ම බව වටහා නොගත්තොත් මොන තරම් දහම අවුල් සහගත වනවාදැයි විමසා බැලිය යුතු කරුණකි..
අපි සරණ ගිය දහමේ නායකයා ගුරුවරයා ගැන, සොයන්නට එපා කියනවනම්, අප අදහන ආගමේ නායකයා ගුරුවරයා ගැන සොයන්නට එපා කියනවානම් මේ මොන විහිලු කතාවක්ද? කියා නුවණැත්තෝ විමසා බලත්වා...
බුදුරදුන් උපන් බිම දැන ගැනීමෙන් රටට, ජාතියට හා ධර්මාවබෝධයට විශාල ශක්තියක්, යහපතක්, පිටුවහලක් වන බව පැහැදිළිවම, එක හෙළාම සඳහන් කළ යුතුය. එය ලෞකික හා ලෝකෝත්තර යන දෙමගෙහිම යන අයට බෙහෙවින්ම උපකාරී වනු ඇත.
බුද්ධාගම සහ බුද්ධ දර්ශණය යන දෙකෙහිම සංකළනය නිසා පෙර රජ දවස මේ රට ඉතාමත් සශ්‍රීක රටක් වුනා. ස්වයංපෝෂිත රටක් වුනා. සදාචාර සම්ම්පන්න රටක් වුනා.. ඉන් පසුව ක්‍රමයෙන් මේ රට අගාදයට ගියේ සොලී ඇතුලු අනෙකුත් විදේශ ආක්‍රමණත් සමගයි.
විජාතිකවූ ඔවුණුයි මේ රට හා පිරිසිදු දහම විනාශ කරන්නට ප්‍රයත්න දැරුවෙ. ඔවුන් එහිදී අපේ ඉතිහාසයත් අන්තිමට වෙනස් කළා. එය ඔවුන්ට ඕනි විදියට ලිව්ව. ඉතින් ඔන්න ඔතන ඉඳල තමයි අපි එය නිවැරදි කළ ගත යුතු වන්නේ..
ඉන් රටටත් ආගමටත් දහමටත් විසාල යහපතක් මිස කිසිම අවැඩක් වෙන්නෙ නෑ. (සමහර ව්යාපාරිකයින්ට හා වෙනත් රටවලට නම් එය ලොකු පාඩුවක් වෙන්න පුලුවන්)
ඉතින් ඇයි අපිට ඔතන ලොකුම වැරැද්ද හදාගන්න අවශ්‍ය නෑ කියන්නේ.. අප නිවැරදි වෙන්නට අපි මොකටද කාටවත්ම බය වෙන්නේ?
අප බුදු රජාණන්වහන්සේ මහියංගන, සමන්ගිර, කැළණිය, කල්පිටිය ආදී නොයෙක් තැන්වල හටගත් යුධ ප්‍රශ්න සමතයට පත් කොට සිරිපතුල් පිහිටුවා මේ දීපය ධර්මද්වීපය බවටම සනාථ කළ සේක. එදා සිටි ඒ සියලුම යක්ක, නාග, කුම්භණ්ඩ ආදී සීහළ නොවූ අනෙකුත් ජන කොටස්ද මෙය ධර්මද්වීපය බවටම පිළිගත්තාහ. ඔවුහු තමන්ගේ රජ අසුන් කැළණිය වැනි තැන්වලදී බුදුන්වහන්සේටම පැවරූහ. ඔවුන් බුද්ධ සිරිපතුල් වන්ඳනා කොට බුද්ධ අණට ගරු කළාහ.
අද සිටින බොහෝ අය මේ සියල්ලම අවුල් කරගෙන ඇත්තේ ඉතිහාසය හරියට නොදන්නා කමත් එය වැරදියට අල්ලාගෙන සිටින නිසාත්මය. එසේනම් අප කවුරුත්ම අපගේ නායකවු, ගුරුන්වූ, රජුන්වූ, මහාමුණි නරසීහයාණන් වහන්සේගේ සත්‍යවූ ඉතිහාස කතාව නිවැරදිව දැන හැඳින ගත යුතුමය. එය සියලුම සිහළ ජාතිකයින් සහ සිහළ බෞද්ධයන් විසින් විෂේශයෙන්ම උගෙන දැන නිවැරදි කර ගත යුතුමයි. එය සිහළ බෞද්ධයන් වගකීමක්මයි. අපගේ ගුරු බුදුරජාණන් වහන්සේගේ සත්ය ඉතිහාස කතාවවත් හරියට නොදනීනම් කුමක්ද ඒ බෞද්ධකම කියා සිතිය අප යුතුයි..
හෙල ඉතිහාසය බොහෝ දෙනෙක් හරියට නොදන්නා කම නිසයි අද වන විට මේ රට මෙතරම් අගාධයකට වැටිල තියෙන්නේ. අපි අල්ලාගෙන ඉන්නෙ ඉන්දියානුවන්ටයි, ජර්මන් ජාතිකයින්ටයි ඕනි විදියට ලියපු ඉතිහාසෙ කියල ගොඩක් අය දන්නෙ නෑ. මහා සම්මත, රාවණා, සුද්ධෝදන පරපුරෙන් එන උතුම් ශ්‍රේෂ්ඨ ජාතියක් කියල එයාල දන්නෙ නෑ. සත්ය වසා ‘උඹල සින්හයෙකුට දාව උපන් පහත් ජාතියක්’ විදියට අපව හංවඩු ගැහුවේ කවුද? ඒ වැරැද්දයි අප නිවැරදි කර ගන්නට ඕනි.. එහෙනම් විජය කුවේණි ඉතිහාසයට කොටු වෙලා බෑ අපට ඉදිරි ගමනක් යන්නට කියල කවුරුත් තේරුම් ගත යුතුයි.
සිංහළ රටේ ප්‍රෞඩ හෙළ ඉතිහාසය නොදන්න, සිංහළ රට ගැන අභිමාණයක් නැති, සිංහළ රටට ද්වේෂ කරන, පරගැති වහල් මානසිකත්වයක් ඇති මිනිසුන් සිටින තාක් මේ රට නැවත ඉදිරියට ගන්නට නම් නොහැකි බව වටහා ගත යුතුයි. අපේ බිඳපු කොඳු නාරටි වලට නිසි ප්‍රතිකාර කරගෙන නැවතත් කොන්ද සෘජුව තබා ගත යුතුයි..
මේ සත්ය හෙළි කිරීමට ප්‍රධාන වශයෙන් විරුද්ධ වන තුන් ගොල්ලක් අපට හමුවෙයි.
එක් පිරිසක් නම් ඉන්දියාවේ වන්දනා නඩ සංවිධානය කරන අපේම වියාපාරිකයින්ය. මෙය ඔවුන්ගේ ජීවිකාවට ප්‍රබළ තර්ජනයකි. එය එසේ කියා අප සත්ය සැඟවිය යුතුද?
එමෙන්ම අනෙක් පිරිස නම් සිංහල නොවන ජාතීන් හා ඉංදියානුවන්ය.
(ඊට හේතුව නම් මේ ඇත්ත හෙළි වීමෙන් ඔවුන්ට අපේ පෞරාණික දේපොළ නැවත අපවෙත දෙන්නට වේ යැයි ඇතිවන බය නිසාත්, ඉංදියාවට ලංකාවේ හා ලෝකයේ වන්ඳනා කරුවන් නිසා ලැබෙන විදේශ විනිමය මහා ආදායම අහිමි වන නිසාත්ය)
එනිසා ඔවුන් මේ සත්ය වහන්නට නොයෙකුත් යටි උපක්‍රම එදත් අදත් හෙටත් නිබඳවම ගෙනෙනු ඇත.
දැනට ටික කලකට උඩදීද මෙම පිරිස් විසින් විශාල මුදලක් යොදවා යුරෝපා ජාතික 'කනිම්හම්' නැමැත්තෙකු ගෙන්වා නේපාලය ලුම්බිණිය බව සනාථ කිරීම සඳහා මහත් උත්සාහයක් දැරූ අතර අප රට වැසියන් බොහෝ දෙනෙකුන්ද එම උගුලට හසුවුණි. දැනටත් ඔවුන් මහත් කැපවීමකින් චිත්‍රපට, ටෙලිනාට්‍ය වැනි මාධ්‍යන් හරහාද කිසියම් වැඩ කොටසක් කරගෙන යන අයුරු පෙනෙන්නට ඇත.. සත්ය විනාශ කරනු දැක දැකත් අප කෙසේවත් මුනිවත රැකිය යුතු වන්නේද?
ඇත්ත පිළිගැනීමට විරුද්ධ අනෙක් බලවත්ම පිරිස
මේ ඇත්ත පිළිගැනීමට විරුද්ධ අනෙක් බලවත්ම පිරිස නම් අප උපන්දා සිටම බුදුන් ඉන්දියාවේ කියා මුල් බැසගත් අපේම යටි සිතුවිලි සමුදායයි. උපන්දා සිටම සම්මතයෙන් බුදුන් වහන්සේ යනු ඉන්දියාවේ සිටි කෙනෙකු යයිද, ලංකාව එවන් වූ බුද්ධෝත්පාදයකට නුසුදුසුරටක් යයිද අපේ යටි සිත් වලට කවා ඇති නිසා, බුදුන් උපන්නේ හෙළ බිමයි කියූ පමණින් සමහරුන් හට තදබල වේදනාවක් කෝපයක් ඇතිවීම ස්වභාවිකය.
මෙහි ඇත්ත දැක්කත් තම යටි සිත නම් පහසුවෙන් මෙය පිළිගන්නට තමාට ඉඩ දෙන්නේ නැහැ. එය හරියට තමන් වඩාත්ම ආදරය කළ කෙනෙකු වියෝවූ විට අප සිතට ඇති වන වේදනාවට හා සමානයැයි කීවොත් නිවැරදියි. (එහිදී ඔහු හෝ ඇය වියෝ වුවද තමා හා ජීවත්ව සිටිනවා යැයි මනෝ සංස්කාර ලෝකයක් ගොඩ නගාගෙන සිටීමට බොහෝ දෙනා උත්සාහ කරනවා..)
බුදුන් උපන් හෙළදිව නම් මේ සිරි ලංකාවමයි කියූ සැනින්ම එය එසේ නොවේ යයි කීමට නොයෙකුත් තර්ක විතර්ක අපගේ යටි සිත නිරතුරුවම ගෙනෙනු ඇත. ඊට බලපාන ගොඩාක් හේතු ඇත.
බොහෝ අය පුරුදු වෙලා තියෙන්නේ තමන්ගේම සිත තමන්ම රවටා ගෙන ජීවත් වීමටයි…
බුදුන් යනු මහා දෙවියෙකු බ්‍රහ්මයෙකු මෙන් මවාගත් චිත්‍රයක් සහිතව වැඳුම් පිදුම් කරගෙන සිටි අය එම සිහිනයෙන් මිදීමට අකමැතිය. බුදුන් අපේ කුඩා රටේ යැයි කී පමණින් සමහරෙකුට හීන මානයක්ද උපදියි.
'අපි මුදල් වියදම් කරගෙන ඉන්දියාවටත් ගියා, තවත් නොයෙකුත් දෙවල් කරා, ඒව අහක යන්න දෙන්න බෑ' යැයි සමහරෙකුට ලෝභී සිත හරස් වෙයි. තවත් සමහරෙකු තමන් මෙතෙක් කල් රැවටී සිටියා, මුළාවී සිටියා යැයි පිළිගැනීමට තම උඩඟු සිත ඉඩ නොදෙයි.
තවත් සමහර අයට 'මා මෙතෙක් කල් අනුන්ට කියා දුන්න දේවල් දැන් නැහැ කියන්නෙ කොහොමද, එයාල මා ගැන මොනව හිතයිද' ආදී වශයෙන් තම මාන්නාධික සිත හරස් වෙයි.
මේ හට ගන්නා කෙලෙස් සිතුවිලිත් සමග සටන් කර ජය ගැනීමට සාමාන්ය කෙනෙකුට පහසුවෙන් නම් නොහැකිය.
බොහෝ නූගත් අය පුරුදු වෙලා තියෙන්නෙ වැඩි පිරිසක් කියන දේ විචාරයකින් තොරව පිළිගන්නටයි. 'මෙච්චර අය පිළිගත්ත දෙයක් අපි කොහොමද එහෙම එකපාරට නෑ කියන්නෙ.. ඕව බොරු වෙන්න ඇති’යි සිතමින් ඔවුන් මුළා සිතටම වහල් වෙයි.
ධර්මය දත උගත් අයත් ඉන් ගැලවීමට නොහැකිව නොයෙකුත් තර්ක විතර්ක ඉදිරිපත් කරමින් 'බුදු හාමුදුරුවො කොහේ හිටියත් මොකද..ධර්මය තියෙනව නම් ඒ ඇතිනෙ.. නිවනට ඒව වැඩක් නෑ.., බුදුන් කිව්වෙ තමන් ගැන පමණක් සොයන්න කියල විතරයි.. ඕව දැන් හාරවුස්සන්න ගිහින් ජාතිවාදය ඇවිස්සෙයි.., මිනිස්සු කළබල වෙයි.. යට ගියාව ඔහොමම තිබිච්චාවෙ..' ආදී නොයෙක් දේ කියමින් තම සිතද රවටාගෙන අනුන්වද රවටාලමින් මෝහයේම ගිලී සිටියි..
බුදුරදුන් තමන් ගැන සොයන්නට එපා කීවා යැයි කීම සාවද්‍ය මතයකි. උන්වහනේ කීවේ අවශ්‍ය නම් තමන්ගේ බුද්ධත්වය ගැනද විමසා සොයා සැක හැර ගත යුතු බවයි. කිසි විටෙකත් සිතීමට, විමසීමට ඇති නිදහස අන් ආගම්වල මෙන් බුදුදහමේ අවහිර කර නැත. සත්ය දැකීමට නම් සියල්ලක්ම පට්ට ගසා (පට්ඨාන කර) විමසා බලා මුල, මැද, අග විභාග කර දත යුතු වෙනව.
ඉතින් මේ ඇත්ත සත්ය දැක දැකත්.. එය යටපත් කරගෙන මනෝ සංකාර ලෝක වල සැඟවෙන්නට වෙර දරන අය.. කෙසේ නම් ලෝබ ද්වේෂ මෝහ නැමැති කෙලෙස් මුල් ගලවා දමා සංසාරයෙන් මිදී නිවන දකින්නේ දැයි තමන්ම විමසා බලත්වා...
සත්ය යනු සැමවිට වසාගෙන සිටිය නොහැක්කකි.. අන්ධ මුළාවෙන් මිදී සිහි බුද්ධියෙන් විමසමුද..? නොමැතිනම් ඇත්ත වසන් කොට බොරුවෙන් තනාගත් මනස්කල්පිත ලෝකයක මුළාවී සිටින්නෙමු ද..?
ඇත්තම කියනවනම් ප්‍රධාන සතුරා තමන් තුලමයි ඉන්නේ කියා ගොඩක් අය දන්නෙ නෑ. එයාල තමන්ගෙම හිත රවට්ටගෙන මවාගත් ලෝකෙක සැඟවෙන්නයි බලන්නේ. මේක තමයි විඤ්ඤාණයෙ ඇති මායාව හෙවත් මාරයාගේ මුළාව. ඒ වුනත් එතනට අහු වෙලා තමන් ඉන්නෙ කියල ඒයාල දන්නෙ නෑ. ඉතින් මෙතනින් ගැලවෙන්න බැරුව කොහොමද එයාල අනෙක් කෙළෙස් ප්‍රහාණයක් ගැන කතා කරන්නෙ? ඇත්තටම මේක වංචක ධර්මයක්. එයින් බේරෙන්නෙ බුද්ධිමත් අය විතරයි, අත් හරින්න බැරි කෙනා මෙතනදි දැඩිව අල්ලා ගන්නව.
ඇත්ත වශයෙන්ම මෙතන අපට කළබල වෙන්නට කිසිම දෙයක් නෑ.. මොකද අපි කවුරුත් කලින් සිතාගෙන සිටියේ බුදුරදුන් ඉන්දියාවේම කියල තමයි.. ඒත් අපක්ෂපාතීව ඉවසීමෙන් කරුණු හොයාගෙන යනකොට මේ සම්බන්ධ අවිද්‍යා මුළාව දුරුවෙලා සත්ය මතුවෙනවා.. එනිසා මෙය තවමත් පිළි නොගත් අයට මුලින්ම තොරතුරු සොයන්න උත්සාහ ගන්න කියල අප කාරුණිකව ඉල්ලා සිටිනව..
මේ ලොව සත්ය කියා දෙයක් තිබෙනවා. එය බොහෝ විටදී සැඟව යටපත්වයි පවතින්නේ. එයට හේතුව නම් මායාකරී විඤ්ඤාණය විසින් සත්ය සැම විටම වසා දමන නිසාය. එහෙත් ප්‍රඤ්ඤාවන්ත පුද්ගලයා අවිද්‍යා මායා මුළාවෙන් මිදී තමන් විසින්ම සත්ය වටහා ගන්නවා..
ඒ වගේම මෙහෙදී අපගේම විඤ්ඤාණය විසින් සත්ය සැමවිටම නොයෙක් අකාරයෙන් වංචක ධර්ම වලින් සඟවන්නට උත්සාහ ගනීවි. එය මැඩපැවැත්වීමට බළවත්සේ ඒ ගැන අවධාණය රැඳවිය යුතුය. දැන් ඉන්න බොහෝ බුද්ධිමත් දෙනා මෙහි නියම සත්ය ප්‍රත්‍යක්ෂවම වටහාගෙනයි ඉන්නේ.. සත්ය වැටහුණු දාට, මොනතරම් මුළාවක සිටියේදැයි සිතා අපම අප ගැනම ලජ්ජා වෙනවා..
අප කවුරුත් මුලින් වැරදියටම හිතන් සිටිය නිසා මෙතන කවුරුවත් නිවැරදි අයත් වැරදි අයත් නැත්තේය.. එහෙත් ඇත්ත පෙනි පෙනිත් එය මතු කර නොගෙන යටපත් කිරීමට යමෙක් ප්‍රයත්න කරයි නම් එය අන්ධ මුළාවක්මය.. ඔවුන් අන්ධ මුළාවෙන් මිදී සිහි බුද්ධියෙන් විමසත්වා..
මෝහයෙන් මිදී මෙය නිවන් දැකීමට උපකාර කර ගනිත්වා...මිසදිටුව දහමට ගරහා පව් සිදු කර නොගනිත්වා... තවත් බොහෝ දෙනෙකුට මෙම පරම සත්ය පෙන්වා දීමට සහයෝගය දක්වා පිං සිදු කරගනිත්වා....
මේ හෙළ ධර්මද්වීපයටත් සියලු බෞද්ධ ජනතාවටත් සදා ජයවේවා…
මහා සීහළ වංශයේ ඇරඹුම - 03 කොටස
එක එක්කෙනා ලියල දීපු බොරු ඉතිහාසෙට රැවටුනේ කවුද? සත්ය වශයෙන්ම නියම බුදුදහම කුමක්ද? ධර්මද්වීපය කුමක්ද? එද බුදුරදුන් ඉදිරියේ සම්මත කරගත් ඒ මහා ගිවිසුම කුමක්ද? කුමක්ද මේ යට ගැසීම? අපේ නියම අරමුණ කුමක්ද? අපේ උගතුන්ගේ අදහස් මොනවාද? අප ධර්මද්වීපය සුරැකිය යුත්තේ ඇයි? ආදී බොහෝ ප්‍රශ්ණ වලට මෙම කොටසින් පිළිතුරු සැපයෙනවා...
අපි එකම ලක්මවකගේ දරුවන් විලස ඉඳිමු..
අපි මෙතෙක් කල් මහ ඉහලින් රැකගෙන ඇවිත් තියෙන්නේ ඉන්දියානුවොයි, ජර්මන් ජාතිකයොයි ලියල දීපු බොල් වැරදි ඉතිහාසයක්ම බව දැන්වත් තේරුම් ගනිමු.. එක එක්කෙනා ලියල දීපු බොරු ඉතිහාසෙට අපේ අප්පච්චිල, සියලත් අහු උනා.. එයාල අපේ ඤාති බුදු හාමුදුරුවන්ගෙ ඉතිහාසෙත් විකුර්ති කරා..ඉන් පස්සෙයි මේ රටටයි අපිටයි හෙණ ගැහුනේ..දැන් අපිත්ත් මොට්ටයො වගේ මොනවත් හොයන්නෙ බලන්නෙ නැතුව වැඩ කරන්න ගියොත් මොකද වෙන්නෙ කියල හිතමු.. දැන්වත් වැරැද්ද හදාගමු.. නැත්නම් අපිටත් රටටත් මේ අගාධයෙන් ගොඩ යන්න නම් බෑ...
මේව කියන්නෙ තරහට නෙවෙයි හෙළ දරුවනේ.. මේ හෙළ රටට, දැයට, සමයට තියෙන ආදරේ හින්ඳමයි.. එක එක්කෙනාගෙ බොරු අහ අහ ඉන්නෙ නැතුව අපි අපිම සත්ය සොයා බලමු.. තමන් දන්නවා කියා සිතන පුහු මාණය ඉවතළා, කම්මැළි නැතිව සත්ය ඉතිහාසෙ හොයාගෙන හොඳට කියවමු.. අහමු.. ඊට පස්සෙ තීරණයකට එමු..
අපි අපේ බුදු හාමුදුරුවන්ගේ පුරවැසි අයිතියත් විදෙස් රටකට තල්ලු කරල අපේ අහිංසක බෞද්ධ අම්මලගෙ තාත්තලගෙ අහිංසක සල්ලි ටිකත් වැඩකට නැති, හරයක් නැති බොරු තැනකට පුදවල මේ රට තව තවත් අගාධයටම තල්ලු කරවන්නට ඔබ කුමන අයුරකින්වත් කටයුතු කරල ඊට දායක වෙලා පාප කර්මයක් කරගන්නවද නැත්නම් සත්ය පෙන්වල දීල මේ රටටත් ජන සමාජයටත් යහපතක් කරනවද කියල ඔබම තීරණය කරන්න..
එහෙම නැතුව කවුරුන් හෝ ඉන්දියානුවොයි, ජර්මන් කාරයොයි ලියල දීපු බොරු ඉතිහාසය දොහොත් මුදුනෙන්ම පිළි අරගෙන, ඊට මුළාවෙලා, ධර්මය පසෙක තබා සිහි බුද්ධියක් නැතුව දෙවි වරුන්ට බුදුවරුන්ට වන්දො වගේ වැඳ වැඳ ඉන්න ආගමක් පමණක් කරේ තියාගෙන දිව්‍ය ලෝකෙම යන්න බලාගෙන ඉන්නවනම් එයම හැර වෙන සරණක් නම් නෑ එයාලට... අපි ඔවුන්ටත් අනුකම්පා කරමු..
සත්ය වශයෙන්ම කියනවනම් මේ නියම බුදුදහම කියන්නේ, මර්ණයටවත්, අපායටවත් බය වෙලා දාඩිය පෙරාගෙන දුවල හැන්ගිලා ශාන්ත දාන්ත තීන්ත කූඩු වගේ ඉඳගෙන අවිචාරී විදියට හැමදේම දුකයි දුකයි අනිත්‍යයි කිය කියා මුළුගැන්විලාම ඉන්න දහමක් පමණක් නොවේ..
බුදු දහම මෙලොව, පරලොව, ලෞකික, ලෝකෝත්තර දෙකටම පොදුවූ කාටත් එකසේ ඵල ප්‍රයෝජන ලැබිය හැකි අකාලික වූ සුපිරිසිදු දහමකි..
බුදුන් වහන්සේ යනු මුණිවරයෙක්, ගුරුවරයෙක්, නායකයෙක්,රජෙක්, පියෙක්, මවක් මෙන්ම හෙළයන්ට නර සීහයෙක් වනවා කියාද අප දත යුතුයි..
එහෙමනම් විශේෂයෙන් සිංහල බෞද්ධ අපි කවුරුත් එකම අදහසකට ඇවිත්, නොයෙක් ලෙසින් පක්ෂ අදහස් පළාත් ආදී වශයෙන් පිල් නොබෙදී මේ සත්ය බුද්ධ ඉතිහාස කතාව ලොවටම විදහා දක්වමු.. බුද්ධ බලය, බුද්ධ ශක්තිය අන් ජාතීන්ටත් පෙන්වාදී එකම රටක් ජාතියක් හැටියට නැගී සිටිමු..
ඔවුන්ටත් මේක ධර්මද්වීපයම බව සියලු සාක්ෂි සහිතවම පෙන්වා දී බුද්ධ අණට ගරු කරන්න කියමු.. ආනාටිය සූත්‍රයේ සඳහන් පරිදි එදා අනෙක් ජාතීන් බුදු වදනට ගරු ගල ආකාරය, බුදුරජුන්ව ඔවුන්ගේද, දිවයිනේද නායකයා ලෙසට ඔවුන්ගේ මුතුන් මිත්තන් පිළිගත් ආකාරය පෙන්වා දෙමු.. යමෙක් බුදු දහමටත්, බුද්ධ ශ්‍රාවකයෙකුටත් හිරිහැර කළොත් එදාසිටි වෙසමුණි රජු ඇතුලු ඔවුන්ගේ නායක රජවරුන් එම ගොත් වල අයට දෙන දඬුවම් කුමක්දැයි පෙන්වා දෙමු.. බුදුරදුන් ඉදිරියේ සම්මත කරගත් ඒ මහා ගිවිසුම, වෙසමුණි රජුගේ ආක්ඤාව කුමක්ද කියා අප ඔවුන්ට පෙන්වා දෙමු..
ආටානාටිය පිරිත කියන්නේ නිකම්ම ඉවත දැමිය යුතු පිරිතක් නම් නොවේ.. එහි හරයක් හරියට වටහා නොගෙන කොතරම් රැ එලිවෙනකම් ජප කළත් ඉන් නියම වටිනා කමක් ගන්නට නම් බැහැ.. මේ උතුම් පිරිත භෞතිකව ඝණ ශරීර හා අභෞතිකව සියුම් ශරීර වලින් යුත් දෙකොටසටමයි වැදගත් වන්නේ..
අපේ නායක වූ බුදුරජාණන් වහන්සේ අපිට ඉගැන්නුව, කාත් එක්කත් සහයෝගයෙන්, සමගියෙන්, සමානාත්මතාවයෙන්, කරුණා මෛත්‍රියෙන් ඉන්න ඕනි ආකාරය. ඒ පරිදි මේ දිවයිනේ අන්‍ය ජාතීන්ටත් තම සීමා උල්ලංඝනය නොකර අප ඉන්නට කියමු.. අපි අපේ අභිමාණය සහ උරුමය ලෝකයටම පෙන්වාදී සාධාරණ ධාර්මික මිනිසුන් බව පෙන්වා දෙමු.. අපි එක ලේ බිඳුවක්වත් නොසලා සියලු සතුරු බලවේග පරාජය කරන්නට එකමුතු වෙමු.. රටට වින කරන අය අපි කවුරුත් එක්වී නෙරපා දමමු.. සැම විටම සිංහල බෞද්ධයෙකුම මේ ධර්මද්වීපයේ නායකත්වයට පත් කරමු.. ධර්මවාදියෙකුට කොතැනක හෝ අයුත්තියක් අසාධාරණයක් සිදු වනවානම් එතැනදී නැගී සිටිමු..
මෙහි කිසිම පුද්ගලික හෝ පටු දේශපාලනික අරමුණක් නැහැ.. කවුරුත් පක්ෂ භේද අත හැරල එකා වගේ රටක් ජාතියක් හැටියට නැගී සිටිමු. අපත් හැදෙමු.. රටත් හදමු.. සසරින් එතෙර වන නිවැරදි මගත් සොයා ගමු.
අපට වැරදුන තැනක් තියෙනවා.. අප රැවටුන තැනක් තියෙනවා.. මුල වරද්දාගෙන අප මුළා වෙලයි ඉන්නෙ.. ඒක හදා ගන්නෙ නැතිව රටටත්, දැයටත්, අපටත් අපේ දරුවන්ටත් යහපතක් වෙන්නෙ නෑ.. තවත් මෝඩ නොවෙමු.. දැන්වත් තේරුම් ගමු.. දැන්වත් වැරැද්ද නිවැරදි කරගමු.. මේ ඊට නිසි කාළයයි.. මේ ඊට නිසි සමයයි…
අපි මහාසම්මත, රාවණ, සුද්ධෝදන ශාක්‍ය වංශවලින් ඇරඹී එන සිව් හෙළයේ සීහළ වංශික සීදන්ත කුමාරයගෙ පරපුරේ පිරිසිදු ලේ වලින් ජනිත, සීහල රටටත්, සිංහල ජාතියටත්, දහමටත් ආදරය කරන සිංහල වංශ කතාවේ ආරම්භක මුදුන් මුලේ සිට සුළ මුළ හොඳින්ම හඳුනන සීහෙළ පුත්තු සහ සීහෙළ දූවරු කියල කොන්ද පණ ඇතුව කියන්න පුලුවන් විදියට ඉඳිමු...
සාමාන්ය සුණඛ සිංහයෙකු ලඟට ගලක් ගැසුවොත් ඒ ගලටයි ගොරවන්නේ. එහෙත් කේශර සිංහයෙකු ලඟට ගල් එනවනම් ඒ ගල පැමිණෙන දිසාව ගැන වහාම විපරම් කරනවා. අපත් කේශර සිංහයන් වන් අය වෙමු. මෙලොවත් ජයගෙන සත්ය වටහාගෙන බව උදුරා දමා යාමට හැකියාව ඇති අභීත කේශර සිංහයන් බඳුව පරලොවත් ජය ගනිමු..
අපි රටට ආදරය කරමු.. අන් රටවල් අල්ලා ගැනීමට නොව තම දේශය රැකගන්නට...
අපි ජාතිවාදී වෙමු.. අන් ජාතීන් නැසීමට නොව තම ජාතිය රැකගන්නට...
අපි ආගම්වාදී වෙමු..අන් ආගම් නැසීමට නොව තම ධර්මද්වීපය සුරකීමට...
අපි ධර්මවාදී වෙමු.. කිසිවෙකුටත් හිංසාවක් නොකර තම තමන්ගේ සසර දුකෙන් මිදීමට...
අද විට බොහෝ දෙනා රටට, ජාතියට, ආගමට, දහමට ආදරෙයි කියන්නත් බය වෙලයි, බය කරලයි තියෙන්නේ..
මේ සත්ය හෙලි දැක්වීම අරභයා කවුරු, කොතැනක හෝ නිවැරදි තොරතුරක් කවුරු හෝ හුවා දක්වයි නම් එවැනි තැනකදී සහාය පල කරනවානම් ඔබ මේ රටට, දැයට, සමයට, ලොවට වටිනා සැබෑම උසස් පුද්ගලයෙක්ම වනු ඇත.. එය සමාජ මෙහෙවරක්ද වනු ඇත.. එමෙන්ම එය අඳුරේ සිටින ජනයා එයින් මුදා ගැනීමේ මහත්වු පුණ්‍ය කර්මයකට සහාය දැක්වීමක්ද වනු ඇත...
මේ උතුම් සත් ධර්මය පිහිටවූ ධර්මද්වීපයම බව අප දනිමු.. අද සත් දහම යම් පමණකින් හෝ සුරැකුනේ අපගේ මුතුන් මිත්තන් දිවි හිමියෙන් මේ දහම් දීපය ආරක්ෂා කළ නිසා බවද අප දනිමු.. පුද්ගලික වාසි නොතකා අප සැම සිදු කරන මේ මෙහෙවරද උතුම් කර්තව්‍යයක්මයි..
සුදුසු තැනදී බුදුරදුන්ගේ උරුමය සත්ය පැවසීමට අප කෙලෙසකවත් පසුබට නොවෙමු.
කුමන බාධාවක් පැමිණියත් අභීත සිංහයන් විලසින් නොසැලී සිටින්නට අපි කවුරුත් වෙහෙස ගමු. සමහර අය අපට නොයෙක් නින්දා අපහාස පරිභව කරාවි.. එහෙත් මෙත් සිතින්ම කාටවත් හිංසාවක් නොකර, බුද්ධ ශක්තිය ගැබ්වූ රට, දැය, සමය සුරකිමින්, උතුම් මානුෂීය මෙහෙවරක් කරමින් අප යන සුමගෙහි අවසන ඇති උතුම් නිවනම කරාද යමු...
අප කාගේවත් එක ලේ බිඳුවක්වත් නොසලා අවිහිංසාවාදීව මේ ධර්ම යුධය විජය ගත යුතුමයි... ලාංකිකයෙකු හැටියට ධර්මපාල තුමාට පුලුවන් නම් ඉන්දියාවට ගොස් එරටෙහිත් අයිති වාසිකම් දිනා ගන්නට, අපට ඇයි බැරි අපේ නියම හෙළ අයිතිය ලබාදෙන්නට කියා අප සිතිය යුතු නොවේද?
අප කිරි බිව් මවට ණය නැතිවාක් මෙන්ම ලක් මවටද ණය නැති අයම වෙමු. එනිසා ලොවට අණන වූ විනය ඇති අප මාරයාගේ ණයද ගෙවා දමන අයමය..
යටවූ ඉතිහාසය තුලින් සැබෑ සත්ය මතුකොට උතුම් දේශය සුරැකීම තුලින් නිවන් මග පාදාදීමයි අපගේ එකම අභිප්‍රාය වනුයේ... ඉදිරියේදී දීප ව්‍යාප්තවද ජාත්‍යන්තරවද මෙම වැඩසටහන විවිධ ක්‍රමවේධ ඔස්සේ කරගෙන යාමට අප විධිවිධාන ගෙන යනවා.. සත්ය දත්තාවූ පරහිතකාමී අයගේ සහායද මෙහිදී අපට අවශ්‍යයි.. ඔබට හැකි කුමන අයුරක හෝ සහායක් දක්වත්වා..
මේ උතුම් යුග මෙහෙවරෙහි යන මගෙහි පහනක් හෝ දල්වා පිං රැස්කර ගනිත්වා... සියල්ලන්ටම නිවනම වෙත්වා... සත්ය සොයා නිවැරදි මාවතේ යන ඔබට යහපතක්ම වේවා.. තෙරුවන් සරණයි
විජය හා කුව්වේණියගේ ඇත්ත කතාව මෙන්න..
මේ අප ඉදිරිපත් කරන්නේ ලක්දිව මෙතෙක් හමුවී ඇති පැරණිතම ලේඛණ වලින් හා මූළාශ්‍ර වලින් සොයා දැනගත්, ජර්මානුවන් විසින් විකුර්ති කරනලද සිංහළේ සැබෑ විජය කුව්වේණි කතා පුවතයි... (මෙය රාවණ සොයුරන් විසින් සොයා ගත් මූළික තොරතුරු වලට අනුව අප විසින් ගොණු කරන ලද්දක් වන අතර එහි පූර්ණ ගරුත්වය ඔවුන්ට හිමිවිය යුතුය)
දැනට අවුරුදු 2500කට පමණ ඉපිටින් විජය නමින් පුද්ගලයෙක් විය. එහෙත් ඔහු අප හෙළ දිවයිනේම සිටි අයෙක් මිස ඉන්දියානුවෙක් නම් නොවේ.
කසී රටේ(එදා හෙළදිව පිහිටි ‘ජම්බුද්වීපයට/දේව හෙළයට’ අයිති ප්‍රදේශයක) බ්‍රහ්මදත්ත නම් (බ්‍රහ්මයා විසින් දෙනලද) අසුර වංශික රජෙක් සිටියා. ඒ රජුට තේජාන්විත බාල සොයුරෙක් සිටියා.. සිංහයෙකු බඳු බාහු බළ සම්පන්නයෙකු වූ ඔහු සිංහබාහුය. රණ සූරත්වයෙන් හෙබි මේ සිංහබාහු කුමරුන් පඬුවස් නුවර විජිතය ආක්‍රමණය කළා.. පඬුවස් නුවර විජිතය කලින් තිබුණේ අසුර වංශිකයන් යටතේයි.
ඉතින් මේ සිංහබාහු රජු පඬුවස් නුවර රජකම් කරන කාළයේ නාග ගෝත්‍රික කාන්තාවක් ඇගේ දෙමාපිය විරෝධය මද්‍යයේම බිසව කරගත්තා. (තම ගෝත්‍රයන්ට නොගැලපෙන විවාහයන් සැලකුවේ එක පවුලේ දෙදෙනෙකු සහ සම්බන්ධ වීම හා සමාන ලෙසමය) කෙසේ හෝ ඔහුගේ එම නාග ගෝත්‍රික බිසව පුතුන් 10 දෙනෙකුත්, දියණියන් 5 දෙනෙකුත් බිහි කළා. ඉන් වැඩිමහලු පුතා සුමිත්ත නම් වුනා. දෙවැනියා හිතුවක්කාරයෙකු වූ විජය නම් වුනා.
මේ හිතුවක්කාර විජය තම අයියාට රජකම ලබාදීමට විරුද්ධව ජනයා එක් රැස් කරමින් කැරළි ගහන්නට වුනා. ඉතින් මේ විජය පුතා ඇතුලු තක්කඩි කොලු රැළ පන්නා දැමීමට එම උරණවූ පියා කටයුතු කළා. විජය ඇතුලු පිරිස තම්මැන්නාව පැත්තට නැව් නැග ගියා.
කොහොම හරි තමන්ගේ විජය මළනුවන් ගියාට පසු අයියාවු සුමිත්ත කුමරු එම පඬුවස් නුවර රජකම් කළා. ඉන් කලකට පසු සුමිත්තගේ පුතා ජෛන ආගම වැළඳ ගෙන තමාට ලැබෙන්නට තිබුනු රජකමත් හැරදමා ගියා. පසුව සුමිත්ත පියාත් තම පුතු අනුගමනය කරමින් ගිහිසැප හැරදමා ගියා.. (සුමිත්තගේ ලෙන් ලිපිය සිලෝන් ජර්නල් දෙවන කාණ්ඩය පිටු අංක 211, අංක 659 යටතේ විමසා බලන්න.)
නැව් නැගි විජය කුමරා තම්මැන්නාවෙන් ගොඩ බැස්සා. තම්මැන්නාව යනු තම්මැන්න නම්වූ(මිස්කෝඩෝන් සෙලනිකස්) ගස්වලින් වටවූ වැවක් සහිත ප්‍රදේසයක් මිස තඹ වැල්ලක බොරු කතා පුවතක් නම් නොවේ. කෙසේ හෝ මේ තම්මැන්නාවට පැමිණි විජය යක්ක ගෝත්‍රික ජාතිකයන් සමග යුද කොට විජය ලබා එහි බළය අල්ලා ගත්තේය. එමෙන්ම තම ඤාති නෑනා කෙනෙකුවූ යක්ක ගෝත්‍රික කුවිණිය සමග විවාහද විය. ඒ ඇගේ ඤාතීන්ගේ දැඩි විරෝධය මැදය. විජය හමුවෙන්නට පෙර කුවිණියට අසුර වංශික අයෙකුට දාව උපන් ජීවහත්ථ නම් පුතෙක් විය. විජය විසින් ඔහුව පන්නා දැමීය.
විජයට දාව කුවිණිය ලද සියලු පුතුන් අසුර වංශිකයින්ට විරුද්ධව කැරළි ගහන්නට පෙලඹුනා. එහෙත් ඉන් බහුතරයක් දෙනා පසුකාලීනව පණ්ඩුකාභය අතින් මැරුම් කෑවා..
මේ අතර විජයගේ අයියාවු සුමිත්තගෙන් සහ ඔහු පුතුගෙන් හිස්වූ පඬුවස්නුවර රාජධානියට පැමිණි විජය එහි බළය පහසුවෙන්ම යුද කොට විජය ගත්තා. කුවිණියගෙන් සියලු දෙයම උදුරා ගත් විජය අවසානයේ හිත්පිත් නැතිව ඇයව පළවා හැරියා.. ඉන්පසු මේ විජය කුමරා 'පඬුවස්දෙව්' නමින් අභිෂේක ලැබුවා.
අසරණවූ කුවිණිය තම කලින් පුත් ජීවහත්ථ කුමරු සමග අවුත් විජයට විරුද්ධව සටන් දියත් කළා. ඒ සටනින් කුවිණියට ජීවහත්ථයන්ද අහිමි වුණා.. ඇයට විජයගෙන් සිදු වූ මේ අසාධාරණයේ අඳෝනාව දේව හෙළයේ රජවරුන්ටද දන්වා සිටියා. අවසානයේ ඇය ශ්‍රමණ දිවියට ඇතුල් වූවාය. (...ලිලවරී හරිනුයෙ පඨිරාය රොඅඊ බියෙ ච ගයෙ....)
විජය හෙවත් පඬුවස්දෙව් රජු පඬුවස්නුවර ප්‍රදේශයේ රජ කරන කාලයේම සිව් හෙළයේ අනුකුත් ප්‍රදේශ වල තවත් ප්‍රාදේශීය හා මහ රජවරුන් එදා සිටිය බව අප හොඳින් තේරුම් ගත යුතුයි. අද මෙන් යාන වාහන නොතිබුනු එදායුගයේ මේ එකම දිවයිනේ කොටස් වලට බෙදී වෙනම රාජ්‍යයන් කළ බව සිහි තබා ගන්න. අද මේ දිවයිනටම ලංකාව කියා කීවත් එදා ලංකා පුර කියා කීවේ මේ දිවයිනෙන් සුලු කොටසකට බවත් හොදට මතක තියාගන්න. විජය ඔය කියන ලංකා කොටසට පැමිණියේ මේ දිවයිනේම සිට මිසක් ඉන්දියාවේ සිට නොවේ. බුදුරදුනුත් එසේම ඔය කියන ලංකාවට වැඩියේ මේ හෙළබිමේ තිබුණු ජම්බුදීපයේ සිටමයි. මිහිඳු හිමියනුත් එසේමයි. පසුකාලීනවයි මේ ඔක්කොම අවුල් ඇති කරගෙන තියෙන්නේ.
බුදුරදුන් පිරිණිවී අවුරුදු 850කට පමණ පසු ඉන්දියාවෙන් පැමිණි මහානාම හිමියන් මහාවංශය ලියුවේද මේ ලංකාපුර රාජධානිය පමණක් මුල් කරගෙනයි. එමෙන්ම ඒ ලියූ තොරතුරු වලද සමහර තැන්වල බලවත් වැරදි අඩුපාඩු පවතින බව හොඳින්ම පෙනේ. එම අඩුපාඩු ඇති මහාවංශයම පමණක් මුල් කරගෙන සුදු ජාතිකයන් විසින් අප රට ඔවුන්ට යටත් විජිතයක්ව පැවති සමයේ ලියූ ඉතිහාසයයි අද වන විට සියල්ලන්ම වාගේ පරිශීලණය කරන්නේ. එනිසා එයම ගුරු කොට නොගෙන අනෙකුත් පැරණි පොත පතද ශිලා ලේඛණද ඇතුලු මූලාශ්‍ර මතින් ඉතිහාසය ගවේෂණය කිරීමෙන් සත්ය මතුවනවා ඇත.
දීපවංශ මහාවංශ පොත් වල මුල් පිටපත් අපට අහිමි කොට, ජර්මානු සම්භවයක් ඇත්තන්ට වුවමනා පරිදි සකස්කළ පොතක් පරිශීලණය කිරීම නිසා අද පරම්පරා ගනනක් අපි අසරනව සිටිමු.. මේවා විමසනේ නැතිව පොතේ ඇති දේම ඇත්ත යැයි සිතා අපට බැන වැදිමද සිහියෙන් විමසා සත්ය දැනගැනීමද ඔබටම බාරයි.
අද අපට සිංහළ රටක් දැයක් නැති වුවහොත් මේ ඉතිහාසයෙන් අනාගතයටද පලක් නැත. ඔබ කාගෙන්වත් අසන්නේ නැතිව තනිවම ජාතියේ මුදුන් මුල් ගැන සොයා දැනගන්න. අප දන්නාදේ අපම සොයා දැනගත් දෙයක් නම් අප කාගේවත් රූකඩ බවට කවදාවත් පත්වන්නේ නැත. එසේ පැවසිය හැක්කේ සිංහල බෞද්ධයන්ටම පමණක් වනු ඇත...
හෙළ සොයුරනේ, සොයුරියනේ, අපට වැරදුන තැනක් තියෙනවා.. අප රැවටුන තැනක් තියෙනවා.. ඉතිහාසය වරද්දාගෙන අප මුළා වෙලයි ඉන්නෙ.. ඒක හදා ගන්නෙ නැතිව රටටත්, දැයටත්, අපටත් අපේ දරුවන්ටත් යහපතක් වෙන්නෙ නෑ.. තවත් මෝඩ නොවෙමු.. දැන්වත් තේරුම් ගමු.. දැන්වත් වැරැද්ද නිවැරදි කරගමු.. මේ ඊට නිසි කාළයයි.. මේ ඊට නිසි සමයයි.. අපේ මුතුන් මිත්තන්ගේ අභිමාණය ශ්‍රේෂ්ඨත්වය රැකදිය යුතුයි.. එය රැක ගත යුතුයි.. මතු පරපුරට එය හිමි කර දිය යුතුයි…
හෙළ සිංහල මිනිසුනේ, උඹල සිංහයෙකූට දාව පැවතෙන පහත් ජාතියක් කියල කවුද ඔයාලට බොරු ඉගැන්නුවෙ?
රාවණා රාජ පරපුරෙන් පැවත එන සූර්ය වංශික හෙවත් ශාක්‍ය වංශික බුදුහාමුදුරුවොත් අපේ ඤාතියෙක් බව කවද හරි දැනගත්තු දාට ඔයාල කවුද කියල ඔයාලටම තේරෙයි.
ඔය මනස්ගාත ලෝක වලම හිරවෙලා අනුන්ගෙ ගුලිකකා අඳුරෙම ගිලිල ඉන්න එපා.
මේ පටලැවිල්ල හරියට ලිහාගන්න ඕනිනම් එක එක්කෙනාගෙ බොරු කතා අහන්නෙ නැතුව ඉතිහාසය පොඩ්ඩක් හොයල බලන්න...ඔබට සදා ජයවේවා...
මේ රටේ ඉතිහාසය සමහරුන් මුල ඉඳලම අවුල්කරගෙන ඇති බව සෝම හාමුදුරුවන් පෙන්වා දුන් අයුරු..
අද අපේ රටේ සමහරුන් ඉතිහාසය මුල ඉඳලම අවුල් කරගෙනයි තියෙන්නේ... විජය කුවේණිගෙන් සිංහලයා පැවත එනවා කියන කතාව මහාම මුළාවක්.. ඊට කලින් ඉඳලම මේ රටේ ශ්‍රේෂ්ඨ මිනිසුන් හා රාජ්‍යයන් පැවතුනා.. මහානාම හිමියන් ලියූ මහාවංශය ගොඩක් වැරදියි.. ඊට කලින් තිබුනු ඉතිහාස පොත් ගොඩක් විනාශ වෙලයි තියෙන්නේ.. අපි විජයගෙන් පැවත එන අය නොවෙයි.. එදත් අදත් මේ රට පාවාදීම ජරා ජාතියේ හැටි තමයි.. ඉදිරියට යන්න නම් ඉතිහාසෙ මේ මහා අවුල හදාගත යුතුමයි..
මේ වීඩියෝ එකත් බලල අහලම යන්න...
හෙළ රට ජාතිය ආගම වෙනුවෙන් අසහාය මෙහෙයක් සිදු කරමින් යන අතරේ අපවත් වී වදාළ ඒ යතිවරයානන්ට සියලු හෙළයන්ගේ උපහාරය වේවා..
කොතැනද අපට වැරදුනේ?
No comments:
Post a Comment